Մերկելը հայտարարել է իսլամի հարցում անհանդուրժողականության դեմ պայքարելու մտադրության մասին14 հունվարի 2015 - 14:37 AMT PanARMENIAN.Net - Եվրոպայի իսլամականացման դեմ Դրեզդենում կայացած բազմահազարանոց բողոքի ակցիայից հետո Գերմանիայի կանցլեր Անգելա Մերկելը հայտարարել է, որ Գերմանիայի կառավարությունն ամեն ինչ կանի անհանդուրժողականության դեմ պայքարելու համար՝ անվանելով կրոնական խտրականությունը «մարդկայնորեն պարսավելի»,-հայտնում է Ռոյթերս գործակալությունը: Մոտ 25 հազար ցուցարար է մասնակցել Դրեզդենի կենտրոնում հունվարի 12-ին տեղի ունեցած հանրահավաքին: Ակցիայի կազմակերպիչն էր «Հայրենասեր եվրոպացիներն ընդդեմ Արևմուտքի իսլամականացման» կազմակերպությունը, այն նվիրված էր Ֆրանսիայում հունվարի 7-9-ին տեղի ունեցած ահաբեկչական գործողությունների զոհերին: Մասնակիցները պահանջեցին խստացնել ներգաղթի պայմաններն ու հրաժարվել մուլտիկուլտուրալիզմից Գերմանիայում, որտեղ արդեն մոտ 4 մլն մահմեդական է ապրում, հիմնականում թուրքեր: Մասնակիցներից շատերիը պարզել էին մահմեդական գլխաշորով Մերկելին պատկերող պաստառներ: Սակայն իսլամականացման դեմ շարժումն ավելի քիչ կողմնակիցներ հավաքեց մյուս քաղաքներում, իր հերթին, ազդակ հանդիսանալով ռասիզմի դեմ հակացույցերի համար: Այժմ Մերկելի համար գլխավոր խնդիրներից մեկը ներգաղթյալների հետ կապված հարցերն են: Պահպանողական կուսակցության, որի անդամ է Մերկելը, մի շարք երևելի անդամներ հոռետեսորեն են տրամադրված իսլամի հանդեպ: Մինչդեռ նոր աջակողմյան «Այլընտրանք Գերմանիայի համար» կուսակցության անդամները միավորվել են «Հայրենասեր եվրոպացիներն ընդդեմ Արևմուտքի իսլամականացման» կազմակերպության հետ՝ քննադատելով կանցլերին ներգաղթյալների ու երկրում ապաստան փնտրողների չափազամց մեծ քանակի համար: Բեռլինում Բրանդենբուրգյան դարպասների մոտ փարիզյան զոհերի ոգեկոչման ժամանակ, Մերկելը դատապարտեց «Հայրենասեր եվրոպացիներն ընդդեմ Արևմուտքի իսլամականացման» կազմակերպությանն ու նրա կողմնակիցներին: «Մեր ազատ երկրին սազական չէ տարանջատել մարդկանց միայն կրոնական պատկանելությամբ, դա անհամատեղելի է մեր արժեքների հետ ու պարսավելի մարդկային տեսակետից: Այստեղ տեղ չկա ռասիզմի, այլատյացության ու ծայրահեղականության համար»,-հայտարարել է Մերկելը: Մերկելի ելույթին հավանություն է տվել նաև երկրի նախագահ Յոահիմ Գաուկը: «Գերմանիան տարաբնույթ է կրոնական, մշակութային, մտածելակերպի առումով հենց միգրացիայի շնորհիվ: Հենց այդ բազմազանությունն է ապահովել մեր երկրի հաջողությունն ու համակրանքի արժանի դիմագիծը»,-հայտարարել է նախկն բողոքական հովվապետ, ժամանակին ԳԴՀ ամենահայտնի այլախոհներից մեկը, Գերմանիայի դաշնային նախագահ Գաուկը: Իր հերթին Գերմանիայի Մահմեդականների միության ղեկավար Այման Ազեկը հավելել է, որ մահմեդականները սատարում են Գերմանիային, որը բացել է սիրտն աշխարհի առջև ու հարգում է կարծիքի, մամուլի ու կրոնի ազատությունը: Բերտելսմանի հիմնադրամի վերջին հարցումը ցույց տվեց, որ Գերմանիայի ոչ մահմեդականների 47 տոկոսը սպառնալիք է տեսնում ի դեմս իսլամի: Հետազոտությունն անցկացվել է փարիզյան ահաբեկչությունից հետո: Հունվարի 12-ին Մերկելը հայտարարեց, որ իսլամը ժամանակակից գերմանական հանրության կենտրոնական մասն է, ինչը ոչ միանշանակ ընդունվեց հանրության կողմից: Գերմանիան, որը սուր ժողովրդագրական ճգնաժամի մեջ է, պայաքարում է դրա դեմ ներգաղթի միջոցով: 2013-ին ներգաղթը Գերմանիայում հասավ վերջին 20 տարում ամենաբարձր ցուցանիշի՝ 437 հազարի: Բացի այդ, ապաստան է տրվել մոտ 200 հազար սիրիացի փախստականների: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |