Եվրոպայում քննարկում են ԵՄ միասնական բանակի ստեղծման հնարավորությունը 9 մարտի 2015 - 12:46 AMT PanARMENIAN.Net - Եվրամիության միասնական բանակի ստեղծումը եվրոպական արժեքները պաշտպանելու բնական միջոց է: Այս մասին հայտարարել է Ֆինլանդիայի նախագահ Սաուլի Նիինիստեն Ֆիննական հեռագրային բյուրոյին: Նա նշել է, որ ԵՄ համար գլխավոր նպատակը խաղաղությունն է, հենց այդ նպատակով է այն ստեղծվել ժամանակին: «Ուստի լուրջ և բնական քայլ կլիներ, եթե ԵՄ-ն ստանձներ իր արժեքների պաշտպանությունը»,-ասել է նա: Ըստ Ֆինլանդիայի նախագահի, «Ֆինլանդիան կողմ է միասնական բանակի ստեղծմանը», հայտնում է ՏԱՍՍ-ը: Ֆինլանդիայի պաշտպանության նախարար Կարլ Հագլունդն իր հերթին հայտարարեց, որ նման բանակի ստեղծման գաղափարը ճիշտ է համարում, սակայն, չի կարծում, թե ԵՄ անդամ բոլոր երկրները համամիտ կլինեն: Ավելի վաղ գերմանական Welt am Sonntag-ը հրապարակել էր Եվրահանձնաժողովի նախագահ Ժան Կլոդ Յունկերսի հարցազրույցը, որտեղ նա կարծիք է հայտնել, որ Եվրամիությունը պետք է միասնական բանակ ստեղծի որպես Եվրոպայի շահերը պաշտպանող ինստիտուտ: «Ընդհանուր եվրոպական բանակը ցույց կտար աշխարհին, որ ԵՄ անդամ երկրներն այլևս երբեք չեն պատերազմի: Այդպիսի բանակը կօգներ մեզ ընդհանուր արտաքին քաղաքականության ու անվտանտության քաղաքականության իրագործման մեջ»,-ասել է նա: Եվրամիության միասնական բանակը կարող է սադրիչ դեր կատարել, եթե ստեղծվի, հայտարարել է լրագրողներին Պետդումայում «Եդինայա Ռոսիա» խմբակցության ղեկավարի առաջին տեղակալ, պաշտպանության կոմիտեի անդամ Ֆրանց Կլինցևիչը: «Մեր միջուկային դարում լրացուցիչ բանակներն անվտանգություն չեն երաշխավորում: Իսկ ահա սադրիչ դեր կարող են կատարել»,-զգուշացրել է Կլինցևիչը՝ ափսոսանք հայտնելով, որ նման առաջարկներն արդեն աջակցություն են ստանում: Նա նշել էր, որ եվրոպական բանակի ստեղծման գաղափարի մասին ոչ ոք չէր մտածում նույնիսկ ՆԱՏՕ-Վարշավյան պայմանագրի երկրներ ամենասուր առճակատման ժամանակ: «Իսկ այսօր, երբ արդեն վաղուց գոյություն չունի Վարշավյան պայմանագիրը, հանկարծ նման անհրաժեշտություն է առաջանում»,-ասել է նա: Վարշավյան դաշինք կամ Վարշավայի պայմանագրի կազմակերպությունը Եվրոպայի սոցիալիստական երկրների պաշտպանական դաշինք էր։ Ստեղծվել է 1955 թվականի մայիսի 14-ին Վարշավայում կնքված բարեկամության, համագործակցության և փոխադարձ օգնության պայմանագրի հիման վրա, որն ստորագրել են Ալբանիան (1968 թվականից դուրս է եկել), Բուլղարիան, Գերմանիայի Դաշնային Հանրապետությունը, Լեհաստանը, Հունգարիան, Չեխոսլովակիան, Ռումինիան և ԽՍՀՄ: ԽՍՀՄ թուլացման ֆոնի վրա 1991թ. սկզբին Պայմանագրի անդամ երկրները համաձայնեցին դրա գործողության դադարեցման մասին որոշում ընդունել, ինչն էլ արվեց Հունգարիայի մայրաքաղաքում` 1991թ. փետրվարի 25-ին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |