Կիպրոսի թուրքական մասի նախագահն Անկարային. Կիպրոսի թուրքերն իրենք են իրենց տան տերը28 ապրիլի 2015 - 14:17 AMT PanARMENIAN.Net - Կիպրոսի թուրքական հատվածի նորընտիր նախագահ Մուսթաֆա Աքընջըին դուր չի գալիս թուրքական կողմից Կիպրոսի հասցեին հնչող «ձագուկ հայրենիք» որակումը, և նախագահի պաշտոնում իր առաջին ելույթում նա անդրադարձել է այդ խնդրին, հայտնում է Tert.am-ը`CNN Turk-ի վրա հղումով։ «Ոչ թե ձագուկ հայրենիք, այլ եղբայրական պետություն»,- հայտարարել է Կիպրոսի թուրքական հատվածի նախագահը։ Նա նշել է, որ Կիպրոսի թուրքերն իրենք են իրենց ղեկավարում և իրենք են իրենց տան տերը։ Արձագանքելով նախագահի այս հայտարարությանը՝ Թուրքիայի նախագահ Ռեջեփ Թայիփ Էրդողանը նրան հիշեցրել է այն ամենի մասին, ինչ Թուրքիան արել է Կիպրոսի թուրքական հանրապետության համար։ «Այդ արտահայտությունը ջերմության դրսևորում է։ Պարոն Աքընջըն այժմ Հյուսիսային Կիպրոսի ժողովրդի կողմից ընտրված նախագահն է, բայց նրա ականջը թող լսի այն, ինչ դուրս է գալիս բերանից։ Թուրքիան մինչ այժմ տեր է կանգնել Հյուսիսային Կիպրոսին։ Այս պետությունը Կիպրոսում գին է վճարել»,- հայտարարել է Էրդողանը։ Դրան ի պատասխան Կիպրոսի թուրքերի նորընտիր առաջնորդն ուղիղ եթերում ասել է, թե ինքն իր խոսքի տերն է։ «Թուրքիան չի՞ ցանկանում, որ այդ ձագուկը մեծանա։ Միշտ ձագո՞ւկ մնանք, ոտքի կանգնել չկարողանա՞նք, հասուն մարդ չդառնա՞նք»,- ասել է նա։ Որպես անկախ պետություն Հյուսիսային Կիպրոսի Թուրքական Հանրապետությունը ճանաչված է միայն Թուրքիայի կողմից, որը, ըստ ՄԱԿ-ի բանաձևերի օկուպացնում է այս տարածքը, որը զավթվել է Կիպրոսի Հանրապետությունից` 1974 թվականի ներխուժման ժամանակ։ Աշխարհի պետությունների մեծ մասը համարում է, որ Հյուսիսային Կիպրոսը Կիպրոսի Հանրապետության օկուպացված տարածքն է։ Կղզու օկուպացված մասում գրեթե ամբողջությամբ ոչնչացվել են քրիստոնեական հուշարձանները՝ Թուրքիան, ինչպես միշտ, փորձում է ոչնչացնել բնիկ բնակչության գոյության հետքերը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |