 Դեսպան. Ցեղասպանության մասին բանաձևի քննարկումը Բունդեսթագում դեռ չի ավարտվել 1 հունիսի 2015 - 16:08 AMT PanARMENIAN.Net - Հայոց ցեղասպանության վերաբերյալ բանաձևի քննարկումը Գերմանիայի Բունդեսթագում դեռ չի ավարտվել: Այդ մասին այսօր Երևանում կայացած մամուլի ասուլիսում հայտարարել է Հայաստանում Գերմանիայի դեսպան Ռայներ Մորրելը` հավելելով, որ նախագահ Գաուկի ելույթը զգալիորեն թեթևացրեց գործընթացը: Ըստ նրա, բանաձևը չի ընդունվել, քանի որ Բունդեսթագի պատգամավորները չեն եկել ընդհանուր հայտարարի բանաձևի շարադրման հարցում: Ուստի հարցն ուղարկվել է արատքին հարաբերությունների կոմիտե` փաստաթղթի վերջնական տարբերակը մշակելու համար: Դեսպանը դժվարացել է ասել, դա տեղի կունենա մինչ ամառային դադարը խորհրդարանի աշխատանքում, թե դրանից հետո, հայտնում է Armenia Today-ը: Ապրիլին ԳԴՀ կանցլեր Անգելա Մերկելն ու Դաշնային կառավարությունը հավանություն տվեցին 20-րդ դարի սկզբի հայկական ջարդերը Օսմանյան կայսրությունում ցեղասպանություն որակելուն: Գերմանիայի մայրաքաղաք Բեռլինի Մայր տաճարում Հայոց ցեղասապանության զոհերի հիշատակին նվիրված արարողության ժամանակ Գերմանիայի նախագահ Յոախիմ Գաուկը Օսմայան կայսրության իրագործած 1915-ի հայկական ջարդերը կոչել է ցեղասապանություն, հայտնում է ArmRadio-ն: Այդպիսով, նա դարձել է այդ երկրի առաջին ղեկավարը, որն արտասանել է «Հայոց ցեղասպանություն»: «Հայերի նման ճակատագիրը պատմության մեջ զանգվածային ոչնչացման, էթնիկ զտման, կոտորածի, այո, Ցեղասպանության հստակ օրինակ է, որոնցով 20-րդ դարը հիշվում է սարսափելի ձևով: Այսպիսով մենք խոսում են հրեաների հոլոքոստի հետ այս իրադարձությունների միանմանությունից, Հոլոքոստի, որի համար Գերմանիան պատասխանատվություն է կրում»,- ասել է Գերմանիայի նախագահը: Ավելի ուշ գերմանաբնակ թուրք մտավորական Հասան Բուրղուջուօղլուն Երևանում կայացած մամուլի ասուլիսում հայտարարեց, որ Հայոց ցեղասպանություն փաստի ճանաչումը մարդ լինելու չափանիշն է: «Ես էլ եմ մեղսագործության մեջ մեղավոր, քանի որ իմ նախնիները նույնպես մասնակցել են ցեղասպանությանը: Ցեղասպանությունն այժմ ևս շարունակվում է, Արևմտյան Հայաստանի տարածքում ապրող մարդիկ ապրում են այնպես, ինչպես դա չի եղել»,- ասել է Բուրգուջուօղլուն և հավելել, որ Թուրքիայի արևելյան հատվածը, այսինքն՝ Արևմտյան Հայաստանը, Օսմանյան կայսրության ամենազարգացած վայրն էր: Թուրքիան այսօր էլ դեռ չի հասել այն մակարդակին, ինչ կար Արևմտյան Հայաստանում մինչև 1915 թվականը: Պատգամավորի խոսքով՝ Բունդեսթագում շրջանառվող օրինագծում «ցեղասպանություն» բառը գոյություն չունի և շատ լղոզված է: «Թեև իմ կուսակցության ներկայացրած հայտարարությունում «ցեղասպանություևն» եզրույթն առկա էր», ասել է նա: Գերմանաբնակ թուրք պատգամավորը նկատել է, որ յուրաքանչյուրն իր բառով ասում է, որ 1915-ի դեպքերը ցեղասպանություն էին, առանց օգտագործելու այդ եզրը: Մանրամասն նկարագրում են ոճրագործություն՝ առանց ասելու, որ ցեղասպանություն է: Նա նաև ասել է, որ պետք է միասնական փաստաթուղթ շրջանառվի: Խոսելով ժամկետների մասին՝ հստակեցրել՝ իրենց ընդդիմախոսները ցանկանում են, որ օրինագիծը մի քանի տարի շրջանառվի Բունդեսթագում: «Եթե կառավարությունը չցանկանա, ոչինչ չի ստացվի»,- ասել է Բուրգուջուօղլուն:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Սյուժե Վերջին լուրեր Բագրատ սրբազան. ՔՊ բարձրաստիճան անդամներ ներքին ուղերձներ են հղում, թե ինչպես կարող են միանալ մեզ  «Ճիշտ ենք անում, եթե խառվում ենք քաղաքականությանը՝ դուք չեք կարողանում, դրա համար մենք ենք խառնվում»,–ասել է նաԱվինյան․ «Վեոլիա ջրի» հետ պայմանագիրը կվերանայվի՝ ամեն բակում չենք կարող կոյուղու հարցով զբաղվել Ավինյանն անդրադարձել է առատ տեղումների արդյունքում քաղաքում առաջացած որոշակի խնդիրներին |
