Չինաստանն աշխարհի առաջատարն է էնէրգիայի վերականգնվող աղբյուրների օգտագործմամբ19 հունիսի 2015 - 17:01 AMT PanARMENIAN.Net - Չինաստանը ձեռնարկությունների քանակի պատճառով անվանում են «համաշխարհային ֆաբրիկա» և մինչև վերջերս այն նաև առաջատար էր մթնոլորտ ածխաթթու գազի արտանետումների քանակով: Սակայն 2014 թ. նոր վիճակագրական տվյալները ցույց են տալիս, որ ածխաթթու գազի արտանետումների քանակը մնացել է նախորդ տարվա մակարդակում, թեև համաշխարհային տնտեսությունն աճել է 3 տոկոսով: Այս հաճելի փոփոխությունների պատճառը փորձագետները համարում են Չինաստանի նոր էներգետիկ քաղաքականությունը: REN21 հետազոտական կենտրոնը, որն աշխատում է ՄԱԿ Շրջակա միջավայրի ծրագրի հովանու ներքո վերջերս ներկայացրեց իր զեկույցը: Հրապարակված թվերը, ըստ մասնագետների, վկայում են «նշանակալի խզման մասին» համաշխարհային տնտեսության աճի և ածխաթթու գազի արտանետումների միջև, որոնք մինչ օրս տառացիորեն հավասար էին աճում: Իսկ այս ամենի «մեղավորը» Չինաստանն է, որը կտրուկ շրջադարձ է կատարել դեպի էներգիայի վերականգնվող աղբյուրների ակտիվ շահագործում: Անցյալ տարի Չինաստանը շահագործման հանձնեց ավելի շատ արևային, հողմային ու հիդրոէլեկտրակայաններ, քան աշխարհի ցանկացած այլ երկիր, և առաջին անգամ նվազեցրեց ածխի սպառումը: Եթե իրավիճակն այս ուղղությամբ զարգանա, ապա, ըստ Էներգետիկայի միջազգային գործակալության, մինչև 2030 թվականը համաշխարհային տնտեսության աճը կկազմի 88 տոկոս, իսկ ածխաթթու գազի գլոբալ արտանետումները կավելանան ընդամենը 8 տոկոսով: Այս միտումները փորձագետները տեսնում են նաև շատ զարգացած երկրներում. այլընտրանքային էներգիայի առաջատարների թվում են նաև ԱՄՆ-ն, Ճապոնիան, Գերմանիան և Մեծ Բրիտանիան: Ավելին, 2014-ին ներդրումները ոլորտում արդեն 5-րդ տարին շարունակ գերազանցում են ներդրումները ավանդական «վառելիքային» էներգետիկայում, որի շնորհիվ վերականգնվող աղբյուրներից էներգիայի արտադրության աճը հասել է 59 տոկոսի: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |