Աղբյուր. ՌԴ-ն Թուրքիային է ուղարկել «Թուրքական հոսքի» առաջին ճյուղի նախագիծը28 հուլիսի 2015 - 15:01 AMT PanARMENIAN.Net - Ռուսաստանը Թուրքիային է ուղարկել «Թուրքական հոսքի» առաջին ճյուղի վերաբերյալ միջկառավարական համաձայնագրի նախագիծը, մյուս թևերի վերաբերյալ առանձին փաստաթուղթ կլինի, լրագրողներին է հայտնել աղբյուրը ՌԴ էներգետիկայի նախարարությունում: «Ուղարկել ենք առաջին ճյուղի նախագիծը…Ռուսական կողմը նախապատրաստել է իր առաջարկները «Թուրքական հոսքի» առաջին ճյուղի վերաբերյալ և ուղարկել է թուրքական կողմին»,-ասել է աղբյուրը: Նոր գազամուղն այլընտրանքային է Ռուսաստանի համար իր գազը Արևմուտք հասնցելու համար` շրջանցելով Ուկրաինան: Ըստ «Գազպրոմի» կանխատեսումների, գազամուղի շինարարությունը պետք է ավարտվի 2016-ի դեկտեմբերին: Հունիսի 2-ին ՌԴ վարչապետ Դմիտրի Մեդվեդևը հայտարարեց, որ գազամուղի շինարարության մասին բոլոր պայմանավորվածությունները պատրաստ են և Թուրքիայի հետ սկզբունքային համաձայնություն է ձեռք բերվել: 1100 կմ երկարությամբ գազատարը թուրք-հունական սահման կհասցնի մինչեւ 47 մլրդ խմ գազ «Թուրքական հոսքը» պետք է Հունաստանից անցնի Սերբիա, որտեղից էլ եվրոպական երկրներ։ Ինչ վերաբերում է եվրոպական երկրներին, ապա մինչ այժմ «Թուրքական հոսքով» հետաքրքվածություն է ցուցաբերել միայն Ավստրիան։ Ըստ աղբյուրի, սկզբից նախատեսվում էր համալիր համաձայնագիր ստորագրել «Թուրքական հոսքի» վերաբերյալ` ներառյալ բոլոր 4 ճյուղերը: Սակայն ՌԴ և Թուրքիայի վերջին բանակցություններից հետո, որոնք տեղի ունեցան հունիսին Բաքվում, որոշվեց փուլային մոտեցում որդեգրել, հայտնում է ՌԻԱ Նովոստի գործակալությունը: «Մենք պատրաստ ենք փուլերով գործել…Ռուսական կողմը ներկայացրել է իր առաջարկներն առաջին ճյուղի վերաբերյալ: Այն նպատակով, որ 2-4 ճյուղերի հարցում արդեն առանձին միջկառավարական համաձայնագիր լինի»,-ասել է գործակալության զրուցակիցը: Նա հիշեցրել է, որ «Թուրքական հոսքի» առաջին ճյուղը զուտ թուրքական կողմի կարիքներն է բավարարելու: Ըստ աղբյուրի, փաստաթուղթն ուղարկվել է թուրքական կողմին մի քանի շաբաթ առաջ: «Թուրքական հոսք» գազատարի շինարարությունը պաշտոնապես մեկնարկել է մայիսի 8-ին։ Այս մասին հայտարարել է «Գազպրոմի» ղեկավար Ալեքսեյ Միլերը Միլլերը «Ռոսիա 24» հեռուստաալիքի եթերում: Միլլերը և Թուրքիայի էներգետիկայի ու բնական պաշարների նախարար Թաներ Յըլդըզը մայիսի 7-ին կայացած հանդիպման ժամանակ պայմանավորվեցին 2016-ի դեկտեմբերին «Թուրքական հոսք» գազատարը շահագործելու և գազի մատակարարումներն սկսելու մասին: Բազմաթիվ փորձագետներ այս ժամկետը ոչ իրատեսական են համարում՝ հաշվի առնելով այդ ուղղությամբ առկա մի շարք խնդիրները։ Նախագծի երկու գլխավոր մասնակիցները՝ Թուրքիան և Ռուսաստանը, չեն կարողանում վերջնական համաձայնության գալ մի շարք տեխնիկական հարցերի շուրջ։ Իսկ վերջին շրջանում Անկարայի և Մոսկվայի միջև հարաբերություններում առկա լարվածությունն այս առումով լավատեսություն չի ներշնչում: Իսկ նախորդ շաբաթ հայտնի դարձավ, որ Սերբիան հրաժարվել է «Թուրքական հոսքով» գազ ստանալուց։ Սերբիան անհնար է համարում իր տարածքում «Թուրքական հոսք» գազատարի շարունակումը, քանի որ սերբական կողմն ինքը պետք է ֆինանսավորի խողովակաշարի այդ հատվածի կառուցումը, ինչը ձեռնտու չէ Բելգրադին, հայտարարել է Սերբիայի նախագահ Տոմիսլավ Նիկոլիչը Ինտերֆաքսին տված հարցազրույցում: Ռուսական «Գազպրոմն» ու թուրքական Botas-ը 2014-ի դեկտեմբերի 1-ին տարեկան 63 մլրդ խմ թողունակությամբ Սև ծովի հատակով գազատար կառուցելու վերաբերյալ փոխըմբռնման հուշագիր են ստորագրել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |