ContourGlobal-ը և ՀՀ-ն հայտարարել են Որոտան ՀԷԿ-ի առուվաճառքի մասին. €50 մլն կներդրվի

13 օգոստոսի 2015 - 17:54 AMT

PanARMENIAN.Net - ContourGlobal-ը և Հայաստանի Հանրապետությունը հայտարարել են Որոտան գետի ափին, Հայաստանի հարավում տեղակայված՝ 405 մՎտ ընդհանուր հզորության երեք հիդրոէլեկտրակայաններից բաղկացած Որոտանի հիդրոկասկադի առուվաճառքի գործարքի ավարտի մասին: Այս մասին հայտնում է ContourGlobal ընկերության մամուլի ծառայունը:

Ընկերությունը նաև հայտարարել է, որ Համաշխարհային Բանկի Խմբի անդամ Միջազգային ֆինանսական կորպորացիան ձեռք է բերել ContourGlobal Հիդրո Կասկադ ընկերության բաժնետոմսերի 20%-ը՝ Որոտանի հիդրոկայանների գնման, շահագործման և վերականգնման գործընթացին նպաստելու նպատակով:

Գոծադիրը, «Որոտան հիդրոէլեկտրակայանների համալիր» ՓԲԸ-ն ու ամերիկյան «Քոնթուր գլոբալ հիդրոկասկադ» և «Սի-Ջի սոլյուշնս գլոբալ hոլդինգ քամփնի» ընկերությունները 2014-ի հունվարի 29-ին գույքի $180 մլն արժողությամբ առուվաճառքի պայմանագիր էին ստորագրել:

Սա Հայաստանի պատմության մեջ ամենախոշոր միանվագ ներդրումն է և ԱՄՆ առաջին ներդրումը Հայաստանի էներգետիկայի ոլորտում: Նախագծի նպատակն է բարձրացնել էլեկտրաէներգիայի մատակարարման հուսալիությունը և ամրապնդել երկրի էներգետիկայի ոլորտը:

Համաձայնագրի պահանջներին համապատասխան՝ ContourGlobal Հիդրո Կասկադը սեփականության իրավունքով շահագործելու է Որոտանի ափին գնտվող երեք հիդրոէլեկտրակայանները և էլեկտրականության առուվաճառքի երկարաժամկետ պայմանագրի շրջանակներում՝ Հայաստանի էլեկտրական ցանցին մատակարարելու է էլեկտրականություն:

Կայանների արդիականացման, դրանց շահագործման ցուցանիշների, տեխանվտանգության, հուսալիության և արդյունավետության բարելավման նպատակով՝ մոտակa 6 տարիներին ContourGlobalը նախատեսում է կատարել €50 մլն-ի ներդրում: Ի հավելումն կայաններում աշխատող տեխնիկական ոլորտի 150 հիմնական աշխատողների՝ ընկերությունն ակնկալում է արդիականացման գործընթացի արդյունքում որոշակի ժամկետով ստեղծել ևս 150 աշխատատեղ:

«Որոտան» ՀԷԿ-ի վաճառքից ստացված միջոցներից կկատարվի էլեկտրաէներգիայի սակագնի բարձրացման սուբսիդավորումը ազգաբնակչության համար:

Ընկերության խորհրդի նախագահ և գլխավոր գործադիր տնօրեն Ջոզեֆ Բրանդտը հայտարարել է, որ ընկերությունը հանձնառություն է ստանձնել լինել Հայաստանի հուսալի և արդյունավետ գործընկերը:

«Ուրախ ենք հայտարարելու Որոտանի առուվաճառքի գործարքի ավարտի մասին և առ այն, որ համասեփականության իրավունքով որպես գործընկեր է հանդես գալու Միջազգային ֆինանասական կորպորացիան: Շնորհակալություն ենք հայտնում ՀՀ կառավարությանը վստահության համար և ակնկալում ենք ունենալ զգալի և կայուն ներդրում երկրի առանցքային ենթակառուցվածքում: Նաև ուրախ ենք շարունակել գրեթե մեկ տասնամյակ տևող, զարգացման միջազգային նախագծերում ներդրումներ կատարելու մեր համագործակցությունը Միջազգային ֆինանսական կորպորացիայի հետ», - ասել է Բրանդտը:

ՀՀ էներգետիկայի և բնական պաշարների նախարար Երվանդ Զախարյանը իր հերթին նշել է, որ նախարարությունը գոհ է ընկերության ներդրումային ծրագրերից. այդ կապիտալ ներդրումները թույլ կտան առաջիկա տարիներին բարձրացնել Հայաստանի էներգետիկայի համակարգի կայունությունը, անվտանգությունն ու արտադրողունակությունը

« Մենք համոզված ենք, որ ContourGlobal ընկերությունը հաջողությամբ կկառավարի և գերազանց շահագործման վիճակում կպահի այս կարևոր էներգետիկ համալիրը», - ասել է նախարարը:

«Մասնավոր բիզնեսի մասնակցությունը կարող է կարևոր դեր խաղալ Հայաստանի գլխավոր ենթակառուցվածքային խնդիրների լուծման գործում, և այս գործարքը կարևոր քայլ է այդ ուղղությամբ», - նշել է Միջազգային ֆինանսական կորպորացիայի Եվրոպայի և Կենտրոնական Ասիայի գծով տարածաշրջանային տնօրեն Տոմաշ Տելման՝ հավելելով, որ «Որոտան հիդրոէլեկտրակայանների համալիրի» նախատեսվող վերակառուցումը ավելի մատչելի կդարձնի էլեկտրաէներգիան և աջակցություն կապահովի էներգետիկ ինքնավարության նպատակների իրագործմանը:

Նոր ձեռքբերումը կհամալրի ContourGlobal ընկերության վերականգնվող էներգիայի աղբյուրների օգտագործման նախագծերի պորտֆելը, որն այսօրվա դրությամբ ներառում է 1000մՎտ ընդհանուր հզորության հիդրո-, արևային, հողմային էլեկտրակայաններ և կենսագազի արտադրության կայաններ Լատինական Ամերիկայում, Եվրոպայում և Աֆրիկայում:

Որոտան հիդրոկասկադը կազմում է ՀՀ էլեկտրականության համակարգի դրվածքային հզորության մոտ 15%-ը և բավարար էլեկտրականություն է թողարկում 250000 տնտեսություններ էլեկտրաէներգիայով ապահովելու համար:

ՀՀ հանրային ծառայությունները կարգավորող հանձնաժողովը հունիսի 17-ի նիստում հավանություն տվեց ամերիկյան «ContourGlobal Հիդրո Կասկադ» ՓԲԸ-ին Սյունիքի մարզի «Սպանդարյան», «Շամբ» և «Տաթև» հիդրոէլեկտրակայաններում՝«Որոտան» ՀԷԿ-երի կասկադում էլեկտրական էներգիայի արտադրության լիցենզիա տրամադրելու որոշման նախագծին՝ 25 տարի գործողության ժամկետով:

ContourGlobal ընկերությունն էներգիա արտադրող միջազգային ընկերություն է, որի գործունեությունը ծավալվում է 20 երկրներում և 4 մայրցամաքներում: Ընկերության կայանների և շինարարական փուլում գտնվող օբյեկտների ընդհանուր հզորությունը կազմում է մոտավորապես 4000 մՎտ: Ընկերության 1650 աշխատակիցներ ապահովում են տարբեր վառելիքով, նաև վերականգնվող՝ քամու, արևի և կենսազանգվածի էներգիայով աշխատող 58 էլեկտրակայանների, ինչպես նաև մի շարք ջերմային կայանների աշխատանքը:

Կենտրոնական և Արևելյան Եվրոպայում ContourGlobal-ը տնօրինում և շահագործում է 1 220 մՎտ ընդհանուր հզորությամբ էլեկտրաէներգիայի արտադրության ընկերություններ, որոնք գտնվում են Ավստրիայում, Իտալիայում, Բուլղարիայում, Ուկրաինայում, Ռումինիայում և Լեհաստանում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով