Եվրահանձնակատար. Միգրացիոն ճգնաժամը Եվրոպայում ամենախորն է Երկրորդ համաշխարհայինից հետո14 օգոստոսի 2015 - 17:38 AMT PanARMENIAN.Net - Միգրացիոն ճգնաժամը Եվրոպայում ամենամեծն է Երկրորդ համաշխարհայինի տարիներից հետո: Այս մասին լրագրողներին է հայտարարել Միգրացիայի, ներքին գործերի և քաղաքացիության գծով եվրահանձնակատար Դիմիտրիս Ավրամոպուլոսը: «Այսօր աշխարհում փախստականների հետ կապված ամենախորը ճգնաժամն է Երկրորդ համաշխարհայինի տարիներից ի վեր: Եվրոպան փորձում է ընդունել մարդկանց հոսքը, որոնք ապաստան են փնտրում մեր սահմաններում»,-ասել է նա: Եվրահանձնակատարը նշել է, որ ինչպես և Եվրահանձնաժողովի նախագահ Ժան Կլոդ Յունկերը, նա մտահոգված է միգրանտների հետ կապված իրավիճակով ԵՄ անդամ երկրներում, հայտնում է ՌԻԱ Նովոստի գործակալությունը: Նա նշել է, որ ընթացիկ տարվա հուլիսին Հունաստան է ժամանել մոտ 50 հազար ներգաղթյալ, այն դեպքում, երբ նախորդ տարվա նույն ժամանակահատվածում նրանց թիվը ընդամենը 6 հազար էր: Հունգարիան, իր հերթին, հուլիսին ընդունել է 35 հազար մարդ: Եվրահանձնակատարը նշել է, որ «միգրացիայի հետ կապված խնդիրների լուծումն, առաջին հերթին ԵՄ անդամ երկրների ինքնիշխան պատասխանատվության տակ է»: Ապօրինի ներգաղթյալների քանակը Եվրոպայում տարբեր գնահատականներով 5-7 միլիոնի է հասնում: Ապօրինի միգրանտների հիմնական հոսքն ընդունում են Ֆրանսիան, Գերմանիան, Իտալիան, Իսպանիան: Այդ երկրներից յուրաքանչյուրում 1-1,5 մլն ապօրինի ներգաղթյալ կա, ամեն տարի նրանց թիվն աճում է մոտ 100 հազարով: Հարավային Եվրոպա եկող ներգաղթյալների հիմնական հոսքը Սիրիայից է` 70 տոկոս: Մյուսներն Աֆղանստանից են և աֆրիկյան երկրներից: Ամենավտանգավոր ճանապարհն անցնում է ծովով: Մարդիկ ճանապարհ են ընկնում նույնիսկ ռետինե նավակներով` վտանգելով իրենց կյանքը: Միայն Իտալիա այս տարվա ընթացքում ծովով, ըստ ՄԱԿ տվյալների, փորձել է մուտք գործել 90 հազար ներգաղթյալ: Նրանցից 2 000-ը ջրահեղձ է եղել: Ֆրանսիայում փախստականներն ամեն գիշեր գրոհում են Լա Մանշի տակով անցնոցղ թունելը: Գերմանիայի Ռեյդգեն ավանում, օրինակ, ներգաղթյալներն այնքան շատ են, որ բնիկները փոքրամասնություն են դարձել: Գրեթե նույն վիճակն է բավարական Մյունխենում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |