  Աղբյուր. iPhone 7-ը կունենա ջրամեկուսիչ կորպուս 28 սեպտեմբերի 2015 - 11:59 AMT PanARMENIAN.Net - Apple ընկերության iPhone 7-ի հաջորդ սերնդի սմարթֆոնները մի շարք դիզայներական լուծումներ կստանան, զգալիորեն տարբերվելով վերջին iPhone-ների ավանդական տեսքից: Ինչպես հայտնում են Macotakara-ի ոչ պաշտոնական աղբյուրները, խոսքը գնում է ջրա- և փոշեմեկուսիչ պատյանների մասին: Բացի այդ, հայտարարվում է iPhone 7-ում պատյանի համար նոր նյութի օգտագործման մասին: Աղբյուրները դեռ չեն ասում թե հատկապես ինչ նյութի մասին է խոսքը, սակայն հստակեցնում են, որ Apple-ն արդեն մշակել է նման սմարթֆոնի առաջին նախատիպը: Եվ, վերջապես, iPhone 7-ը կստանա «միանգամայն հարթ» LCD-պանել: Սեպտեմբերի 25-ին աշխարհի տասնյակ երկրներում մեկնարկել է Apple ընկերության նոր` iPhone 6s և iPhone 6s Plus սմարթֆոնների վաճառքը: Ավստրալիայի, Մեծ Բրիտանիայի, Գերմանիայի, Հոնկոնգի, Կանադայի, Չինաստանի, Նոր Զելանդիայի, Պուերտո Ռիկոյի, Սինգապուրի, Ֆրանսիայի, Ճապոնիայի և ԱՄՆ բնակիչները կարող են ձեռք բերել սարքն արդեն սեպտեմբերի 25-ին: Հայաստանն առաջին հոսքի երկրներում ընդգրկված չէ, թե երբ կմեկնարկի վաճառքն անհայտ է: Միաժամանակ iPhone 6s և iPhone 6s Plus-ի թողարկման արդյունքում սմարթֆոնների փորձարկումների ալիք սկսվեց: Օգտատերերը որոշեցին ստուգել, թե որքանով է ջրամեկուսիչ նոր սմարթֆոնների կորպուսը: Պաշտոնապես ոչ iPhone 6s-ը, ոչ iPhone 6s Plus-ը չունեն IP պաշտոնական հավաստագիր, որը երաշխավորում է դրանց ջրամեկուսացումը: Այնուամենայնիվ, դա չխանգարեց սարքերին մի ամբողջ ժամ դիմանալ ջրում: Իսկ չորանալուն պես iPhone 6s և iPhone 6s Plus-ը, նրանց 3,5-մմ և lightning պորտերն աշխատեցին անխափան` կարծես այդքան ժամանակ չէին եղել ջրում: 16, 64 և 128 ԳԲ ներկառուցված հիշողությամբ iPhone 6s-ը հնարավոր կլինի գնել $649, $749 և $849 (համապատասխանաբար մոտ 314.000, 363.000 և 411.000 դրամ ըստ ընթացիկ փոխարժեքի), իսկ iPhone 6s Plus-ը հիշողության նույն ծավալով կհայտնվի շուկայում $749, $849, $949 գնով (համապատասխանաբար մոտ 363.000, 411.000 և 460.000 դրամ ըստ ընթացիկ փոխարժեքի): Մինչև տարեվերջ Apple-ը մտադիր է սմարթֆոնների վաճառք սկսել աշխարհի մոտ 130 երկրում:   Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
