Ֆրանկոֆոնիայի համաժողովում ընդունվել է ՀՀ-ի մշակած՝ Ցեղասպանությունների կանխարգելման բանաձևը12 հոկտեմբերի 2015 - 12:40 AMT PanARMENIAN.Net - Ֆրանկոֆոնիայի միջազգային կազմակերպության կողմից ընդունվել են այն բոլոր նախագծերը, որոնք ՀՀ-ն մշակել է և ներկայացրել կազմակերպության Երևանում կայացած համաժողովում: Այս մասին Ֆրանկոֆոնիայի միջազգային կազմակերպության արտգործնախարարների համաժողովի 31-րդ նստաշրջանի արդյունքների ամփոփիչ ասուլիսում ասել է ՀՀ արտաքին գործերի նախարար Էդվարդ Նալբանդյանը: Երևանում հոկտեմբերի 10-ին մեկնարկել էր Ֆրանկոֆոնիայի միջազգային կազմակերպության արտգործնախարարների համաժողովի 31-րդ նստաշրջանը: Միջոցառմանը մասնակցելու նպատակով ՀՀ արտաքին գործերի նախարար Էդվարդ Նալբանդյանի, Ֆրանկոֆոնիայում նախագահող Սենեգալի արտգործնախարար Մանքյոր Նդայեի և Ֆրանկոֆոնիայի միջազգային կազմակերպության գլխավոր քարտուղար Միկայել Ժանի անունից հրավերներ են ուղարկվել Ֆրանկոֆոնիայի անդամ և դիտորդ, 5 մայրցամաքներ ներկայացնող 80 պետության արտաքին գործերի նախարարներին: Համաժողովի 31-րդ նստաշրջանին մասնակցելու նպատակով Հայաստան է ժամանել կազմակերպության անդամ երկրների և Ֆրանկոֆոնիայի միջազգային կազմակերպության քարտուղարության մոտ 500 ներկայացուցիչ: Արտգործնախարարը նշել է, որ համաժողովի ընթացքում ընդունված բանաձևերից մեկը միտված է ցեղասպանությունների կանխարգելմանը, դա կոչ է՝ ուղղված ամբողջ աշխարհին՝ այլևս երբեք թույլ չտալ նոր հանցագործություններ, ցեղասպանություններ: «Համաժողովին ներկա բոլոր պետությունները պաշտպանեցին մեր ներկայացրած բանաձևը»,- ընդգծել է Նալբանդյանը, գրում է Panorama.am-ը: ԱԳ նախարարի գնահատմամբ, Երևանում կայացած համաժողովի ընթացքում տեղի են ունեցել բովանդակալից, արգասաբեր քննարկումներ: Նրա խոսքով՝ համաժողովը ցույց է տվել, որ կազմակերպության անդամ պետությունները, կառավարությունները հանուն համերաշխության կարող են համախմբվել: Հոկտեմբերի 11-ին Հայոց ցեղասպանության հուշահամալիր են այցելել Ֆրանկոֆոնիայի նախարարական համաժողովի պատվիրակությունները Նալբանդյանի և Ֆրանկոֆոնիայի միջազգային կազմակերպության գլխավոր քարտուղար Միկայել Ժանի հետ: Այս մասին տեղեկացնում է Հայոց ցեղասպանության թանգարան-ինստիտուտից: Պատվիրակության ղեկավարներն ու անդամները անմար կրակի մոտ մեկ րոպե լռությամբ հարգել են Ցեղասպանության զոհերի հիշատակը: Այցի ընթացքում Քվեբեկի Միջազգային զարգացման և Ֆրանկոֆոնիայի հարցերով նախարար Քրիստին Սան Պիեռը Հայոց ցեղասպանության թանգարան-ինստիտուտին է փոխանցել Ցեղասպանությանը վերաբերող՝ Քվեբեկի ազգային ժողովի բանաձևի և վարչապետ Ֆիլիպ Քուիյարի հաղորդագրության բնօրինակները: Վարչապետի հաղորդագրությունում Ֆիլիպ Քուիյարը հայտնում է, որ 2015-ի ապրիլի 24-ին նրա առաջադրած օրինագիծը՝ Հայոց ցեղասպանության 100-ամյակը իբրև ժամանակակից պատմության մի դժբախտ ու ցավալի դրվագ հիշատակելու մասին, միահամուռ ընդունվել է ի նշան հայկական ծագում ունեցող 25 հազար համաքաղաքացու հետ համերաշխության: «Հանդիսանալով մարդկային պատմության ցավագին էջերից մեկը՝ այս ցեղասպանությունը իսկական դաս է ներկա և ապագա սերունդներին: Մենք պետք է վառ պահենք հիշողությունը և գրառենք այն պատմության մեջ, որպեսզի այլևս երբեք կյանքի չկոչվեն նմանատիպ սարսափելի իրադարձություններ», - ասված է Քուիյարի հաղորդագրությունում: Համաժողովի ընթացքում քննարկվել են Ֆրանկոֆոնիայի միջազգային կազմակերպության օրակարգային խնդիրները, միջազգային և տարածաշրջանային արդիական հարցեր, որոնց վերաբերյալ ընդունվել են համապատասխան բանաձևեր։ Նախարարական հանդիպման շրջանակում կազմակերպված էր նաև հարուստ մշակութային ծրագիր: Որպես միջոցառումների գլխավոր մշակութային ձեռնարկ հոկտեմբերի 10-ին Կրեն Դեմիրճյանի անվան մարզահամերգային համալիրում կայանալու է Շառլ Ազնավուրի համերգը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |