Սիրիական բանակը 50 բնակավայր է ազատագրել Հալեպ գավառում28 հոկտեմբերի 2015 - 11:29 AMT PanARMENIAN.Net - Սիրիական բանակն ազգային պաշտպանության ջոկատների և «Անապատի արծիվներ» աշխարհազորայինների աջակցությամբ մոտ 120 քկմ է ազատագրել` 50 բնակավայր Հալեպ գավառի հարավ-արևելքում: Այս մասին հայտնել է ՌԻԱ Նովոստին իր աղբյուրների վրա հղումով: Նշվում է, որ կառավարական զորքերն «առաջ են անցնել Իդլիբի ուղղությամբ, Լյուդեհի և Հադդաինի բնակիչները սկսել են վերադառնալ»: Գործողության մասին որոշումն ընդունվել է ռուսական օդուժի կողմից ահաբեկիչների ենթակառուցվածքների ոչնչացումից հետո, հայտնում է Lenta.ru-ն: Հոկտեմբերի 26-ին սիրիական զորքերն ակտիվացրեցին հարձակողական գործողությունները: Նշվում էր, որ գրոհայինները մեծ կորուստներ են կրում: Արևմտյան Գուտայի շրջանում ամբողջությամբ ոչնչացվել է «Աջնադ աշ Շամ» խմբավորումը: Հաղորդագրություններ ստացվեցին նաև Սնեյսել և Մահատտա գյուղերի ազատագրման, իսլամիստների հրամանատարական կետերի և հրետանային դիրքերի ոչնչացման մասին: Նույն օրը սիրիական կառավարական ուժերն ազատագրեցին նաև երկրի գլխավոր ավտոմայրուղու մի մասը: Մինչդեռ Հալեպն արտաքին աշխարհին կապող միակ ճանապարհը՝ Խանասերը, փակ է, քաղաք մտնելն ու քաղաքից դուրս գալն անհնար: Արդեն երկու օր է էլեկտրականություն չկա, խափանված է նաև ջրամատակարարումը: Սննդամթերքի գները գնալով աճում են: Այս մասին հայտնում է Հալեպի «Գանձասար» թերթն իր Facebook-յան էջում: 2015-ի սեպտեմբերի 30-ից Ռուսաստանը Սիրիայի նախագահ Բաշար Ասադի խնդրանքով կետային ավիահարվածներ է հասցնում ԻՊ գրոհայինների դիրքերին Սիրիայում` Սու-25 կործանիչների, ինչպես նաև ՍՈւ-24Մ և ՍՈւ-34-ի կիրառմամբ: Ըստ ՌԴ ՊՆ, ռուսական ավիացիան արդեն զգալի վնաս է հասցրել գրոհայինների կառավարման համակարգին և նյութատեխնիկական ապահովմանը, ինչպես նաև մահապարտ ահաբեկիչների պատրաստման ենթակառուցվածքներին: Մինչդեռ ավելի վաղ ՄԱԿ գլխավոր քարտուղարի պաշտոնական ներկայացուցիչ Ստեֆան Դյուժարիկը հայտարարեց, որ հոկտեմբերի սկզբից առնվազն 120.000 մարդ է լքել տները Հալեպում, Համայում և Իդլիբում մարտական գործողությունների պատճառով: Ըստ ՄԱԿ տվյալների, Սիրիայում հակամարտության 4,5 տարվա ընթացքում զոհվել է ավելի քան 250 հազար մարդ, ավելի քան 4 մլն դարձել է փախստական: Հումանիտար օգնության կարիք ունեցողների թիվը գերազանցում 12 միլիոնը, որոնցից գրեթե 500 հազարը դժվարանցանելի շրջաններում է գտնվում: Ինչպես 2015-ի հոկտեմբերի սկզբին հայտնել է ՄԱԿ փախստականների գծով գերագույն հանձնակատարի վարչությունն, աշխարհում փախստականների, ապաստան հայցողների և ներքին տեղահանվածների քանակը գերազանցել է 60 միլիոնը և շարունակում է աճել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |