ՀՀ-ն ներկայացնող Դիանա Ադամյանը Չայկովսկու անվան մրցույթի 2-րդ մրցանակն է ստացել15 դեկտեմբերի 2015 - 13:51 AMT PanARMENIAN.Net - Հայաստանը ներկայացնող ջութակահարուհի Դիանա Ադամյանն արժանացել է Չայկովսկու անվան IX միջազգային պատանեկան մրցույթի երկրորդ մրցանակին, հաղորդում է Զարգացման միջպետական կորպորացիայի մամուլի ծառայությունը։ 2015 թ. դեկտեմբերի 15–ին Ա.Մ. Կացի անվան պետական համերգասրահում տեղի կունենա Պ. Իլ. Չայկովսկու անվան IX միջազգային պատանեկան մրցույթի հաղթողների և դափնեկիրների պարգևատրման հանդիսավոր արարողությունը։ Թավջութակահար Անդրանիկ Աղաջանյանը, որը ևս ներկայացնում էր Հայաստանը մրցույթում, պարգևատրվել է հատուկ դիպլոմով, հայտնում է «Նովոստի Արմենիան»։ Չայկովսկու անվան IX միջազգային պատանեկան մրցույթն անցկացվում է Նովոսիբիրսկում դեկտեմբերի 5–15–ը։ Մրցույթին մասնակցում է 23 երկիր ներկայացնող 115 երիտասարդ երաժիշտ` Ռուսաստանից, Հայաստանից, Ադրբեջանից, Ուկրաինայից, Բելառուսից, Ղազախստանից, Մեծ Բրիտանիայից, Ֆրանսիայից, Իտալիայից, Գերմանիայից, Ավստրիայից, Լյուքսեմբուրգից, Դանիայից, Խորվաթիայից, Ռումինիայից, Կորեայից, Չինաստանից, Ճապոնիայից, Մոնղոլիայից, ԱՄՆ–ից, Կանադայից, Իսրայելից և Ավստրալիայից։ Մրցույթի ժյուրիի կազմում ներառված էր 29 երաժիշտ` Ռուսաստանից, Բելառուսից, Հայաստանից, Ֆրանսիայից, Իտալիայից, Շվեդիայից, Հունգարիայից, Իսրայելից, Չինաստանից, Կորեայից, Ճապոնիայից և ԱՄՆ–ից։ Հայաստանը մրցույթի ժյուրիի կազմում ներկայացնում է Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։ Չայկովսկու անվան IX միջազգային պատանեկան մրցույթը հիմնվել է 1992-ին, այն խոշորագույն պրոֆեսիոնալ մրցույթն է մինչև 17 տարեկան երիտասարդ երաժիշտների համար։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» Վարչական ղեկավար․ Կիրանցի 3 խոցելի կետի սահմանազատման հարցը սառեցված է «Նույնիսկ իրենց հողից մեզ է անցել, այս պահի դրությամբ՝ լրիվ դրական է»,- նշել է նա |