ԵՄ-ն պետք է պնդի Թուրքիայի կողմից իր պարտավորությունների կատարումը

PanARMENIAN.Net - Եվրոպական միությունը պետք է պնդի պահանջների կատարումը, որ ներկայացվել են Թուրքիային Կիպրոսի շուրջ վեճում: Այդ մասին կիրակի օրը հայտարարել է ընդլայնամն հարցերով ԵՄ հանձնակատար Գյունտեր Ֆերհոյգենը Deutschlandfunk ռադիոկայանին տված հարցազրույցում: Կառավարությունն Անկարայում պետք է կատարի ստանձնած պարտավորությունները եւ Եվրամիության անդամ Կիպրոսի հունական հանրապետության համար բացի իր բոլոր նավահանգիստներն ու օդանավակայանները: Այդ հայտարարությունը Ֆերհոյգենը կատարել է Եվրամիության արտգործնախարարների հանդիպումից առաջ, որի ժամանակ քննարկվելու է Եվրամիության անդամակցության վերաբերյալ բանակցությունների մասնակի դադարեցումը Թուրքիայի հետ` Անկարայի կողմից Բրյուսելի պահանջերը չկատարելու կապակցությամբ: Մինչեւ հիմա ԵՄ հետ վիճաբանության մեջ Թուրքիան Կիպրոսի հունական հանրապետության համար մի նավահանգիստ բացելու պատրաստակամություն է հայտնել, հաղորդում է Deutsche Welle-ն: