ՌԴ-ն պատրաստ է քննարկել ԵՏՄ և Հոնկոնգի միջև ազատ առևտրի գոտու ստեղծման հարցը18 հունվարի 2016 - 13:11 AMT PanARMENIAN.Net - Ռուսաստանը պատրաստ է քննարկել Եվրասիական տնտեսական միության (ԵՏՄ) և Հոնկոնգի միջև ազատ առևտրի գոտու (ԱԱԳ) ստեղծման հարցը։ Այդ մասին հայտարարել է ՌԴ փոխվարչապետ Արկադի Դվորկովիչը` Հոնկոնգում ընթացող Ասիական ֆինանսական համաժողովի ժամանակ: «Վերջերս ազատ առևտրի գոտու մասին առաջին համաձայնագիրն ենք ստորագրել ԵՏՄ-ի և Վիետնամի միջև, բանակցություններ են ընթանում Իսրայելի հետ: Մենք պատրաստ ենք քննարկել այդ հարցը նաև Հոնկոնգի հետ»,- ասել է Դվորկովիչը: Նա նշել է, որ ՌԴ-ն միտված է Ասիայի և խաղաղօվկիանոսյան տարածաշրջանի երկրների հետ սերտ համագործակցության։ Ըստ փոխվարչապետի, Հոնկոնգ նախատեսվող այցի ընթացքում ծրագրվում է համաձայնագիր ստորագրել կրկնակի հարկումից խուսափելու մասին, ինչը թույլ կտա բարելավել ռուսական և հոնկոնգյան բիզնեսի փոխգործակցությունը, հայտնում է ՏԱՍՍ-ը: Ավելի վաղ ՌԴ տնտեսական զարգացման նախարար Ալեքսեյ Ուլյուկաևը հայտարարել է, որ ավելի քան 40 երկիր, այդ թվում Չինաստանը, ցանկություն է հայտնել ԱԱԳ ստեղծել ԵՏՄ հետ: Դա հաստատեց նաև ՌԴ վարչապետ Դմիտրի Մեդվեդևը: «Ընդհանուր առմամբ ԵՏՄ հետ համագործակցության հարցով հետաքրքրվում է արդեն մոտ 40 երկիր, բոլորի հետ բանակցություններ են ընթանում համագործակցության տարբեր հարթակներ ստեղծելու ուղղությամբ` ներառյալ առևտրի տնտեսական գոտիները»,-ասել է Մեդվեդևը Օտարերկրյա ներդրումների խորհրդատվական խորհրդի նիստում: Նա հիշեցրել է, որ ԵՏՄ-ն արդեն համաձայնագիր է կնքել առևտրի ազատ գոտու ստեղծման մասին Վիետնամի հետ: Մեդվեդևը նշել է, որ օտարերկրյա ընկերությունների համար ԵՏՄ-ն հնարավորություն կտա ընդլայնել ներկայությունը 5 պետությունների շուկաներում: Հայաստանը ԵՏՄ-ին անդամակցելու համաձայնագիրը կնքեց 2014-ի հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |