Պուտին. Թուրք կապալառուների հետ նոր պայմանագրեր այլևս չեն կնքվի26 հունվարի 2016 - 12:12 AMT PanARMENIAN.Net - ՌԴ նախագահ Վլադիմիր Պուտինը հայտարարել է Թուրքիայի դեմ պատժամիջոցների ընդլայնման մասին: Պուտինն այդ մասին հայտարարել է «Համառուսաստանյան ժողովրդական ճակատ» միջտարածաշրջանային համաժողովի ժամանակ, որը հեռարձակում է «Ռոսիա 24» հեռուստաալիքը: «Մենք կընդլայնենք Թուրքիայի դեմ պատժամիջոցները շինարարության ոլորտում, որտեղ այժմ 300 թուրքական ընկերություն է աշխատում` $50 միլիարդի պայմանագրերով»,-հայտարարել է նախագահը: Ըստ Պուտինի, Թուրքիայի դեմ պատժամիջոցների ընդլայնման շնորհիվ Ռուսաստանում ավելի քան 87 հազար աշխատատեղ կբացվի: «Սահմանափակումներն այդ ոլորտում կընդլայնվեն: Կառավարությունը որոշում է կայացրել թուրք կապալառուների հետ նոր պայմանագրեր չկնքել և դա, անշուշտ, հնարավորություն կտա մեր շինարարական ոլորտին ընդլայնել աշխատանքն ու նոր որակյալ բանվորական կադրերի պահանջ կստեղծի»,-հայտարարել է Պուտինը, հայտնում է Gazeta.ru-ն: Ավելի վաղ հայտնի դարձավ, որ ՌԴ կառավարությունը չի մեղմացնելու հակաթուրքական պատժամիջոցները: ՌԴ և Թուրքիայի հարաբերությունները կտրուկ վատթարացան թուրքական օդուժի կողմից ռուսական Սու-24-ի խոցումից հետո: ՌԴ կառավարությունը պատժամիջոցներ է սահմանել Թուրքիայի դեմ: ՌԴ կառավարությունն արգելել է սառեցված մսի և մսամթերթի, թռչնամսի, կաթի և կաթնամթերքի, այդ թվում կաթնաշոռի և պանրի, ինչպես նաև լակտոզայից զերծ արտադրանքի, ձկան, ընկույզի և մրգի, բանջարեղենի, հատապտղի և կանաչիի ներմուծումը Թուրքիայից: Թուրքիայից ի թիվս այլ ապրանքների արգելվում է ՌԴ ներկրել լոլիկ, սոխ, վարունգ, ցիտրուսներ, խաղող, խնձոր, տանձ, ծիրան, դեղձ և նեկտարին, սալոր, ելակ, աղ: Դեկտեմբերի 1-ից Ռուսաստանում արգելվեցին չարթերային թռիչքները դեպի Թուրքիա, բացառությամբ ռուս զբոսաշրջիկներին վերադրձնելու համար գործարկվածներից: 2016-ի հունվարի 1-ից Ռուսաստանը կասեցրել է առանց մուտքի արտոնգրերի ռեժիմը Թուրքիայի քաղաքացիների համար: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |