Ռազմարդյունաբերական ոլորտի ինտերնետային նոր հանգույց կարող է ստեղծվել 24 փետրվարի 2016 - 12:02 AMT PanARMENIAN.Net - Փետրվարի 23-ին ՀՀ պաշտպանության նախարար Սեյրան Օհանյանն այցելել է Երևանի մաթեմատիկական մեքենաների գիտահետազոտական ինստիտուտ, շրջել է ձեռնարկության տարածքում և ծանոթացել այստեղ կատարված շինարարական աշխատանքներին: Ձեռնարկության տնօրեն Արսեն Թառոյանը ներկայացրել է պաշտպանության նախարարության ենթակայությամբ գործող ռազմարդյունաբերական պետական կոմիտեի շնորհանդեսային կենտրոնի վերանորոգված տարածքն ու կենտրոնի գործարկման հետ կապված հարցերը: Ներկայացվել են նաև ձեռնարկությունում իրականացվող ծրագրերն ու առաջիկա նախագծերը: Շրջայցի ընթացքում Արսեն Թառոյանն անդրադարձել է ռազմարդյունաբերական ձեռնարկությունների զարգացման հեռանկարներին և հանդես եկել համագործակցության մի շարք առաջարկություններով: Պաշտպանական գերատեսչության ղեկավարը դրական է գնահատել գիտահետազոտական ձեռնարկությունում կատարված աշխատանքները, առաջարկություններ արել շնորհանդեսային կենտրոնի կահավորման և գործարկման վերաբերյալ, ինչպես նաև հորդորել է ամրապնդել ռազմարդյունաբերական պետական կոմիտեի, ձեռնարկությունների և տնտեսության այլ ճյուղերի կապն ու մտածել սպառման խնդիրների մասին: Հանդիպման ընթացքում քննարկվել է նաև ինտերնետային նոր հանգույցի ստեղծման գաղափար, որտեղ պետք է ներկայացված լինեն հայկական բոլոր ռազմաարդյունաբերական ձեռնարկությունների արտադրանքները, հայտնում է ՊՆ մամուլի ծառայությունը: Հայաստանում գործում են մի շարք ռազմարդյունաբերական ձեռնարկություններ, մասնավորապես՝ «Չարենցավանի հաստոցաշինական գործարան» ԲԲԸ, «Պատնեշ» ՓԲԸ, «Գառնի լեռ» ՓԲԸ, «ԵրՄՄԳՀԻ» ՓԲԸ և «ԼՏ Պիրկալ» ՓԲԸ: ՀՀ կառավարությունը նոյեմբերի 26-ի նիստում «Ֆերոն» ՍՊԸ-ին տրամադրեց զենքի արտադրության լիցենզիա «Ֆերոն» սահմանափակ պատասխանատվությամբ ընկերությունը ՀՀ պաշտպանության նախարարության պատվերով իրականացնում է մարտական զենքի պահեստամասերի և համալրող մասերի մշակման, նորոգման ու արտադրության պայմանագրային աշխատանքներ: 2015-ի ապրիլին ՀՀ նախագահը ստորագրել է «Ռազմարդյունաբերական համալիրի մասին» օրենքը:Օրենքի նպատակը ոլորտի զարգացման համար կայուն հիմքի ստեղծումը, ՀՀ ԶՈւ և այլ զորքերի սպառազինության մատակարարումների պետական ծրագրերի իրականացումն է:   Ուշագրավ Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի   |  Վերջին լուրեր Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է  «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նաԴեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև էԲայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համաՖրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ |
