ԱՄՆ Կոնգրեսի կողմից Ցեղասպանության մասին բանաձեւի ընդունումը Հայաստանի համար շատ մեծ բարոյական նշանակություն ունի 9 փետրվարի 2007 - 14:50 AMT PanARMENIAN.Net - ԱՄՆ Կոնգրեսի կողմից Հայոց ցեղասպանության ճանաչման բանաձեւի ընդունման փորձեր նախաձեռնվել են դեռեւս անցյալ դարի 60-ական թվականներին, սակայն այն ժամանակ Հայաստանի ՍՍՀ-ն չէր կարող խառնվել այդ գործընթացին` լինելով ԽՍՀՄ կազմում: Այդ մասին Երեւանում մամլո ասուլիսի ժամանակ հայտարարել է ՀՀ արտգործնախարարի տեղակալ Արման Կիրակոսյանը: Նրա խոսքերով, այն ժամանակ այդ հարցով զբաղվում էր ԱՄՆ հայկական սփյուռքը: «Տվյալ բանաձեւի ընդունումը ԱՄՆ Կոնգրեսի կողմից, բնականաբար, չի նշանակում, որ Թուրքիան անմիջապես կճանաչի Հայոց ցեղասպանությունը, սակայն հայ ժողովրդի համար դա կունենա բարոյական նշանակություն եւ կծառայի երկրի անվտանգության ապահովմանը: Ճիշտ է, ՀՀ կառավարությունը չի կարող լոբբինգի ենթարկել այդ նախագիծը, սակայն նա ողջունում է ամերիկացի օրենսդիրների նախաձեռնությունը»,- ընդգծել է Կիրակոսյանը:Միեւնույն ժամանակ, նա նշել է, որ այսօր Թուրքիան բոլոր ուժերն ուղել է, որպեսզի թույլ չտա 106-րդ բանաձեւի քննարկումն ու ընդունումը: «Ճիշտ է, այժմ ԱՄՆ Կոնգրեսում դեմոկրատական մեծամասնություն է, որը, մենք հուսով ենք, կկատարի ԱՄՆ հայկական համայնքին տրված իր խոստումները: Չի կարելի նաեւ հաշվի չառնել Թուրքիայի ԱԳՆ ղեկավար Աբդուլահ Գյուլի հետ հանդիպումից Նենսի Փելոսիի հրաժարվելու կարեւորությունը: Վաշինգթոն է ուղեվորվել թուրք դիվանագետւների խումբ, ովքեր հուսով են որոշակի քայլեր ձեռնարկել` հենվելով ուժեղ հրեական լոբբիի վրա»,- ասել է Կիրակոսյանը: ՀՀ ԱԳ փոխնախարարը նաեւ ցավ է հայտնել Հայաստանում ԱՄՆ դեսպանի երկար բացակայության կապակցությամբ: «Իհարկե, դա ազդում է հայ-ամերիկյան հարաբերությունների վրա: Մենք կատարել ենք մեր քայլը. ՀՀ կառավարությունը հավանություն է տվել Ռիչարդ Հոգլանդի թեկնածությանը: Իսկ ինչ վերաբերում է սենատական գործընթացին, ապա դա ԱՄՆ ներքին գործն է եւ մենք չենք պատրաստվում, եւ նույնիսկ խառնվելու իրավունք էլ չունենք»,- հայտարարել է Արման Կիրակոսյանը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | ՀՀ հավաքականը 7 ոսկի և 2 արծաթ է նվաճել ուշուի ԵԱ-ում Մրցումները տեղի են ունեցել Ստոկհոլմում Թորոսյան. Ուզում են առանց ընտրությունների իշխանություն վերցնել Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանությունների Հայտարարություն․ Բագրատ սրբազանը ներկայացված է միայն Facebook-ում և բացառապես իր անձնական էջով Նշվում է, որ նրա անունից բացվող որևէ էջ կապ չունի ոչ շարժման, ոչ էլ սրբազանի հետ Միրզոյանը պաշտոնական այցով կայցելի Հունգարիա Նա հանդիպումներ կունենա Հունգարիայի բարձրաստիճան պաշտոնյաների հետ |