ԵԽԽՎ համազեկուցողները կայցելեն ՀՀ՝ դիտարկելու ստանձնած պարտավորությունների կատարումը10 մայիսի 2016 - 16:04 AMT PanARMENIAN.Net - Եվրոպայի խորհրդի Խորհրդարանական վեհաժողովի (ԵԽԽՎ) մոնիտորինգի հանձնաժողովի Հայաստանի պարտավորությունների կատարման հարցով համազեկուցողներ բրիտանացի Ալան Միլին և իտալացի Ջուզեպպե Գալատին մայիսի 11-ին երկօրյա այցով կժամանեն Հայաստան։ Համազեկուցողները Հայաստանի ստանձնած պարտավորությունների և հանձնառությունների իրականացման դիտարկում կանցկացնեն։ Նրանց ուշադրության կենտրոնում կլինեն, մասնավորապես, սահմանադրական փոփոխություններին, ընտրական բարեփոխումներին և կոռուպցիայի դեմ պայքարին վերաբերող հարցերը, հաղորդում է «Ազատություն» ռադիոկայանը։ Համազեկուցողները Երևանում կհանդիպեն Հայաստանի նախագահ Սերժ Սարգսյանին, վարչապետ Հովիկ Աբրահամյանին, արդարադատության նախարար Արփինե Հովհաննիսյանին, գլխավոր դատախազ Գևորգ Կոստանյանին, ինչպես նաև Բարձրաստիճան պաշտոնատար անձանց էթիկայի հանձնաժողովի նախագահ Սիրանուշ Սահակյանին և Կառավարության աշխատակազմի ղեկավար-նախարար Դավիթ Հարությունյանին։ ԵԽԽՎ-ի համազեկուցողները հանդիպումներ կունենան նաև Ազգային ժողովի խմբակցությունների, ԵԽԽՎ-ում հայաստանյան պատվիրակության ներկայացուցիչների և քաղաքացիական հասարակության ներկայացուցիչների հետ: Եվրոպայի խորհրդի` Հայաստանի համար իրականացվող գործողությունների 2015-2018թթ. ծրագիրը Եվրոպայի խորհրդի Նախարարների կոմիտեի կողմից ընդունվել է 2015թ. սեպտեմբերի 15-ին: Այն իրենից ներկայացնում է Եվրոպայի խորհրդի և Հայաստանի իշխանությունների միջև համագործակցության ռազմավարական կառուցակարգ, որի նպատակն է աջակցել երկրում տեղի ունեցող ինստիտուցիոնալ և օրենսդրական բարեփոխումներին: Գործողությունների չորս հիմնական ուղղություններն են` մարդու իրավունքների պաշտպանություն և խթանում, արդարադատության ապահովում, օրենքի գերակայության սպառնալիքների դեմ պայքար, ինչպես նաև ժողովրդավարական սկզբունքների հիման վրա կառավարման խթանում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Շոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |