Խորհրդարանական ընտրություններ. ԵԱՀԿ/ԺՀՄԻԳ-ի դիտորդները սկսել են իրենց աշխատանքը Հայաստանում20 մարտի 2007 - 13:51 AMT PanARMENIAN.Net - Նախօրեին Երեւանում բացվել է ԵԱՀԿ-ի Ժողովրդավարական Հաստատությունների եւ Մարդու Իրավունքների Գրասենյակը (ԺՀՄԻԳ) մայիսի 12-ին Հայաստանում կայանալիք խորհրդարանական ընտրությունների դիտորդական առաքելությունը: Ինչպես PanARMENIAN.Net ին են հաղորդել ԵԱՀԿ երեւանյան գրասենյակում, առաքելությունը գտնվում է Հայաստանում ՀՀ Արտաքին գործերի նախարարության հրավերով: Տասներեք փորձագետներ կգտնվեն Երեւանում եւ քսանինը երկարաժամկետ դիտորդներ կտեղաբաշխվեն ամբողջ երկրով: ԺՀՄԻԳ-ը խնդրանքով դիմելու է ԵԱՀԿ մասնակից պետություններին` ներկայացնել եւս 300 կարճաժամկետ դիտորդներ ընտրությունների օրը ընտրական տեղամասերի բացումը եւ փակումը, քվեարկությունը, ձայների հաշվարկը եւ արդյունքների ամփոփումը դիտարկելու համար: Առաքելությունը գնահատելու է խորհրդարանական ընտրությունների համապատասխանությունը ժողովրդավարական ընտրական գործընթացների սկզբունքներին, ներառյալ այն պարտավորություններին, որոնց համաձայնություն են տվել բոլոր 56 ԵԱՀԿ մասնակից պետությունները, ինչպես նաեւ ազգային օրենսդրությանը: Դիտորդները աչալուրջ հետ-ելու են քարոզարշավի ընթացքին, ընտրական հանձնաժողովների եւ համապատասխան պետական մարմինների աշխատանքին, ընտրական օրենսդրությանը եւ դրա կիրառմանը, լրատվական միջավայրին եւ ընտրական վեճերի լուծմանը: »Վերջերս փոփոխված Հայաստանի ընտրական օրենսգիրքը ապահովել է ժողովրդավարական ընտրությունների անցկացման համար առողջ իրավական բազա, սակայն իշխանությունների համար մարտահրավեր է հանդիսանում դրա կիրառման մեջ բարի կամք դրսեվորելը, որպեսզի այս եւ հետագա ընտրությունները անցնեն ԵԱՀԿ պարտավորություններին համապատասխան«, - ասաց դեսպան Բորիս Ֆռլեցը: Առաքելությունը ծրագրում է իր ուժերը միավորել ԵԱՀԿ Խորհդարանային Վեհաժողովի կարճաժամկետ դիտորդների հետ, որոնց գլխավորելու է ԵԱՀԿ ԽՎ-ի փոխնախագահ Տոնե Տինգսգաարդը: Առաքելությունը նաեւ համագործակցելու է Եվրախորհրդի եւ հավանական է նաեւ Եվրոպական Խորհրդարանի խորհրդարանային պատվիրակությունների հետ: ԵԱՀԿ/ԺՀՄԻԳ դիտորդական առաքելությունը եւ ԵԱՀԿ-ի երեւանյան գրասենյակը գործում են իրարից անկախ` առանձին մանդատների համաձայն: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |