Հայտնի բասկետբոլիստ Բրայանտ Դանստոնը միացել է Հայաստանի հավաքականին

Հայտնի բասկետբոլիստ Բրայանտ Դանստոնը միացել է Հայաստանի   հավաքականին

PanARMENIAN.Net - 30-ամյա ամերիկացի հայտնի բասկետբոլիստ Բրայանտ Դանստոնը ժամանել է Հայաստան և ազգային հավաքականի կազմում կնախապատրաստվի հունիսի 28-ին Մոլդովայում մեկնարկելիք Եվրոպայի փոքր երկրների առաջնությանը, հայտնում է Հայաստանի բասկետբոլի ֆեդերացիան:

Դանստոնը 2014 և 2015-ին ճանաչվել է Եվրոլիգայի լավագույն պաշտպան:

206 սմ հասակ ունեցող խաղացողը կսկսի մասնակցել հավաքականի մարզումներին:

«Ակումբային ելույթների պատճառով Դանտսոնը մեզ չկարողացավ միանալ հավաքի սկզբում, բայց այժմ նա Երևանում է և մեծ ցանկություն ունի հաջող ելույթներ ունենալ Հայաստանի հավաքականում: ՖԻԲԱ-ն թույլատրում է յուրաքանչյուր հավաքականի իր կազմում ունենալ մեկ արտասահմանցի խաղացող և օգտվելով այդ իրավունքից՝ մենք հրավիրել ենք Դանստոնին, ով Հայաստանի վաղեմի բարեկամն է»,- ասել է Հայաստանի հավաքականի գլխավոր մարզիչ Տիգրան Գյոկչյանը:

Հայաստանի հավաքականը հունիսի 26-ին մեկնելու է Մոլդովա, որտեղ կկայանա Եվրոպայի 2016թ. փոքր երկրների առաջնությունը:

Կարդացեք նաև՝ Սկսնակ ամերիկացի բասկետբոլիստը կմիանա Հայաստանի երիտասարդական հավաքականին

 Ուշագրավ
Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը
Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը
Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը
---