Թուրքիան եւ Ռուսաստանը ակտիվ պայքար են մղում Հարավային Կովկասի համար 5 ապրիլի 2007 - 15:50 AMT PanARMENIAN.Net - «Թուրքիան եւ Ռուսաստանը ակտիվ պայքար են մղում Հարավային Կովկասի համար եւ պետք է խոստովանել, որ Թուրքիան այժմ որոշ չափով առաջ է անցնում ՌԴ-ից»,-Երեւանում կայացած մամլո ասուլիսի ժամանակ հայտարարել է Հայաստանի ԳԱԱ արեւելագիտության ինստիտուտի տնօրեն Ռուբեն Սաֆրաստյանը: Նրա խոսքերով, Վրաստանն ու Ադրբեջանը դեպի Արեւմուտք են շարժվում, ինչը նշանակում է ռուսական դիվանագիտության տապալում տարածաշրջանում: «Սակայն հարկ է նշել, որ առավել գլոբալ դիմակայություն է առկա` սունիների եւ շիաների միջեւ: Սունիները ԱՄՆ-ի աջակցությամբ փորձում են ստեղծել Սունի պետությունների միություն: Վերջերս Պակիստանում տեղի ունեցավ Թուրքիայի, Եգիպտոսի, Սաուդյան Արաբիայի եւ Պակիստանի ներկայացուցիչների առաջին հանդիպումը: Սակայն դրան անմիջապես հետեւեց Իրանի եւ Սաուդյան Արաբիայի ներկայացուցիչների հանդիպումը` գործընթացը կասեցնելու համար: Տարածաշրջանային քաղաքականության մեջ Իրանն ավելի ծանրակշիռ դիրքեր ունի, քան Թուրքիան եւ Ադրբեջանը, ինչը բխում է Հայաստանի ազգային շահերից»,-ընդգծել է Սաֆրաստյանը` հավելելով, որ ԱՄՆ-ն չափազանց շատ է քաղաքականացնում դիմակայության հարցը սունիների եւ շիաների միջեւ: Նա նաեւ նշել է, որ եւս մեկ դաշինք է ստեղծվում Թուրքիայի, Ադրբեջանի եւ Վրաստանի միջեւ, որն ուղղված է Հայաստանի եւ Ռուսաստանի դեմ: «Սակայն Ռուսաստանը միշտ ներկա կլինի Հարավային Կովկասի եւ Մերձավոր Արեւելքի տարածաշրջաններում եւ կսատարի Իրանին»,-ասել է դոկտոր Սաֆրաստյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |