Թուրք քաղաքական գործիչը կոչ է արել արգելել մուտքի արտոնագրերի հանձնումը Հայաստանի քաղաքացիներին12 մայիսի 2007 - 22:17 AMT PanARMENIAN.Net - Թուրքիայի Հանրապետական ժողովրդական կուսակցության անդամ Շուքրյու Էլեքդագը կոչ է արել իշխանություններին արգելել մուտքի արտոնագրերի հանձնումը Հայաստանի քաղաքացիներին: Նա մեղադրել է Հայաստանի իշխանություններին այն բանի համար, որ մերժվել է թուրք ներկայացուցիչների մասնակցությունը ԵԱՀԿ դիտորդական առաքելությանը: «Որպես պատասխան միջոց Թուրքիան պետք է ժամանակավորապես դադարեցնի մուտքի արտոնագրերի տրամադրումը Հայաստանի քաղաքացիներին: Մի կողմից, Հայաստանը պահանջում է բացել Թուրքիայի հետ սահմանը, մյուս կողմից` հրաժարվում է մուտքի թույլտվություն տալ Թուրքիայի ներկայացուցիչներին: Հայաստանը համարում մ է, որ Թուրքիան վախենում է Եվրամիությունից եւ ԱՄՆ-ից եւ, ելնելով դրանից, համապատասխան քայլեր է ձեռնարկում: Սակայն Անկարան պետք է պատասխանի բոլոր հնարավոր միջոցներով: Հայաստանի քաղաքացիներին մեկ ամսվա ընթացքում չպետք է մուտքի արտոնագրեր տալ»,-ընդգծել է Էլեքդագը: Իր հայտարարությունը նա պատճառաբանել է նրանով, որ «Հայաստանը չի ցանկանում, որ Թուրքիան հետեւի խորհրդարանական ընտրություններին»: «Թուրք դիտորդների բացակայության պատճառով ԵԱՀԿ-ն ընդհանրապես պետք է հրաժարվեր դիտորդական առաքելությունից»,-համոզված է Էլեքդագը, գրում է ԱՊԱ-ն: Հիշեցնենք, որ Հայաստանը հրաժարվել է մուտքի արտոնագրեր տրամադրել ԵԱՀԿ 8 թուրք դիտորդներին: ՀՀ ԱԳՆ մամլո քարտուղարի պաշտոնակատար Վ.Կարապետյանի խոսքերով, Հայաստանի եւ Թուրքիայի միջեւ չկան դիվանագիտական հարաբերություններ ուստի եւ անհնար է վիզաների տրամադրումը: Ավելի վաղ ԵԱՀԿ/ ՄԻԺԻԲ-ի ղեկավարն իր դժգոհությունն էր հայտնել այդ առիթով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |