Հայ երգիչ Հայկոն Eurovision-2007 մրցույթում գրավել է 8-րդ տեղը: Ընդհանուր առմամբ, Հայկոն, որ հանդես է եկել «Any Time You Need» երգով, հավաքել է 138 միավոր: Բարձրագույն գնահատականը` 12, Հայաստանն ստացել է Թուրքիայից եւ Վրաստանից, 10-ական միավոր` Ֆրանսիայից, Բելգիայից, Չեխիայից, Նիդերլանդներից, Ռուսաստանից եւ Լեհաստանից, 8-ական միավոր` Իսպանիայից, Կիպրոսից եւ Բուլղարիայից, 6 միավոր` Հունաստանից, 5-ական միավոր` Բելառուսից, Ավստրիայից, Իսրայելից, Ուկրանիայից, 2 միավոր` Մոլդովայից: