2016-ին Թուրքիա այցելած զբոսաշրջիկների քանակը կրճատվել է 1/3-ով

29 հոկտեմբերի 2016 - 13:06 AMT

PanARMENIAN.Net - 2016-ին Թուրքիա այցելած զբոսաշրջիկների քանակը կրճատվել է 31,96%-ով նախորդ տարվա նույն ժամանակահատվածի համեմատ, ասվում է զեկույցում, որը հրապարակել է Թուրքիայի զբոսաշրջության նախարարությունը:

Ըստ հաշվետվության, 2016-ի առաջին 9 ամսում Թուրքիա այցելած օտարերկրացի զբոսաշրջիկների քանակը կազմել է 20,25 մլն, ինչը գրեթե 10 մլն պակաս է, քան 2015-ին` 29,76 մլն:

Զբոսաշրջային հոսքերի ամենակտրուկ նվազումները գրանցվել են հունիսին` 40, 86% և օգոստոսին` 37,96%:

Ռուս զբոսաշրջիկների քանակը սեպտեմբերին նվազել է 60%-ով` կազմելով ընդհանուր քանակի 7%-ը:

Գերմանիայից, Մեծ Բրիտանիայից և Վրաստանից զբոսաշրջիկներն առաջատար էին քանակով սեպտեմբերին, սակայն նրանց քանակը կրճատվել է մոտ մեկ երրորդով նախորդ տարվա համեմատ:

Զբոսաշրջիկների հոսքը Թուրքիա սկսել է նվազել 2015-ից: Առավել զգալի փոփոխությունները գրանցվել են 2016-ի սկզբին, երբ օտարերկրացի զբոսաշրջիկների քանակը կրճատվել է 10 տոկոսով:

Առավել տուժած քաղաքներն են Անթալիան, որտեղ զբոսաշրջիկների հոսքը կրճատվել է 31,76 %-ով, Ստամբուլը` 28, 08% և Մուղլանը 9,59%:

Զբոսաշրջության անկումը Թուրքիայում կապված է երկրում տեղի ունեցած մի շարք ահաբեկչությունների, պետակլան հեղաշրջման անհաջող փորձի և ՌԴ հետ հարաբերությունների վատթարացման հետ:

Հղումներ թեմայով.

Ria.ru: Количество туристов, посетивших Турцию в 2016 году, сократилось на треть

Hurriyet. Foreign arrivals to Turkey fall 32 percent in first nine months of 2016