Հնագետները պարզել են` Քրիստոսի գերեզմանն անվնաս է մնացել 1 նոյեմբերի 2016 - 11:46 AMT PanARMENIAN.Net - Հիսուս Քրիստոսի գերեզմանի ուսումնասիրությամբ զբաղվող գիտնականները հայտարարել են, որ գերեզմանի մասերն անվնաս են պահպանվել, հայտնում է ՌԻԱ Նովոստին National Geographic-ի վրա հղումով: «Մենք չենք կարող 100%-ով ասել, բայց սա վիզուալ ապացույց է, որ գերեզմանի գտնվելու վայրը չի փոխվել ժամանակի ընթացքում` ինչը տասնամյակներ շարունակ մտահոգել է գիտնականներին և պատմաբաններին»,-ասել է հնագետ Ֆրեդերիկ Հիբերտը: Մարմարի սալաքարը հանվել է Քրիստոսի գերեզմանից Երուսաղեմի Տիրոջ գերեզմանի տաճարում վերականգնման նպատակով, հակառակ դեպքում սրբավայրի փլուզման վտանգ կարող էր առաջանալ: Այդ մասին հոկտեմբերի 28-ին հայտնել էր Երուսաղեմի Հայ Առաքելական եկեղեցու քահանա Սամվել Ագոյանը: Ավելի վաղ National Geographic-ը հայտնել էր, որ հնագետները 1555թ. հետո առաջին անգամ հանել են մարմարի սալաքարը Քրիստոսի գերեզմանից Երուսաղեմի Տիրոջ գերեզմանի տաճարում: Տիրոջ գերեզմանը գտնվում է գմբեթային մատուռում, որը վերականգնվել է 1809-1810թթ. հույն ճարտարապետ Նիկոլայ Կոմինի նախագծով: Այժմ վերականգնողական աշխատանքներ են իրականացնում Աթենքի Ազգային տեխնիկական համալսարանի մասնագետները Անտոնիո Մարոպոլոյի գլխավորթյամբ: Աշխատանքներին մասնակցում են նաև հայ մասնագետները: Ըստ հնագետ Ֆրեդերիկ Հիբերտի Ազգային աշխարհագրական ընկերակցությունից, դեռ բազում գիտական հետազոտություններ պետք է արվեն, սակայն, ի վերջո գիտնականները կկարողանան տեսնել այն քարի իրական մակերեսը, որին, ըստ ավանդապատումի, դրվել է Հիսուս Քրիստոսի մարմինը: Տաճարը վերահսկող տարբեր եկեղեցիների մրցակցությունը մշտապես դժվարացնում ու հետաձգում էր աշխատանքների անցկացումը: Հոգևորականներն այժմ գործակցում են՝ անհրաժեշտ աշխատանքներն անցկացնելու համար: Որոշումը կայացվեց, երբ իսրայելյան պատկան մարմինները հայտարարեցին, որ եկեղեցին անվտանգ չէ ու ժամանակավորապես փակեցին այն: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | ԱՕԿՍ-ի շենքը վարձով կտրվի ամսական մոտ 15․4 մլն դրամով Մրցույթ կհայտարարվի Սանահին կայարանի հետ հետիոտնային կապը վերականգնվել է Վերակառուցվել է հետիոտնային կամուրջը Cerebrum Intellectus․ Fastex-ը Web3 ինտերակտիվ քննարկումներ է կազմակերպել երեխաների համար «Երազ» այգում տեղի է ունեցել Kids Fest-ը Շրջիկ երաժիշտների գործունեությունը Երևանի փոքր կենտրոնում կարգելվի Երաժիշտներն իրազեկվել են սպասվող փոփոխությունների մասին |