Հայաստանը շարունակելու է բարեփոխումների եւ եվրաինտեգրման խորացման քաղաքականությունը 4 հուլիսի 2007 - 19:32 AMT PanARMENIAN.Net - Այսօր ՀՀ ԱԺ նախագահ Տիգրան Թորոսյանն ընդունեց Եվրախորհրդի Խորհրդարանական վեհաժողովի (ԵԽԽՎ) նախագահ Ռենե վան դեր Լինդենին, հաղորդում է ՀՀ ԱԺ մամլո ծառայությունը: Հանդիպմանը մասնակցում էին ԱԺ եվրաինտեգրման հարցերի մշտական հանձնաժողովի նախագահ Ավետ Ադոնցը, Հայաստանում ԵԽ Գլխավոր քարտուղարի հատուկ ներկայացուցիչ Բոյանա Ուրումովան եւ ԵԽ-ում ՀՀ մշտական ներկայացուցիչ Քրիստիան Տեր-Ստեփանյանը: Տիգրան Թորոսյանը, ողջունելով հյուրին, շնորհակալություն հայտնեց խորհրդարանական ընտրություններին տված բարձր գնահատականի առիթով, որ կարեւոր արձագանք էր Հայաստանի համար եւ վստահեցրեց, որ բարեփոխումների ու եվրաինտեգրման խորացման քաղաքականությունը նույն ձեւով շարունակվելու է: Իր հերթին, ԵԽԽՎ նախագահը` շնորհավորելով ժողովրդավարական չափանիշներով անցկացված ընտրությունների համար, կարեւորեց բարեփոխումների խորացումը: Նա անդրադարձավ Աժ արտահերթ նստաշրջանում քննարկված «Հեռուստատեսության եւ ռադիոյի մասին» ՀՀ օրենքի փոփոխության օրինագծին եւ ստանալով ԱԺ նախագահի պարզաբանումը, գոհունակություն հայտնեց, որ Հայաստանում իրականում փորձ չի արվում որեւէ լրատվամիջոցի ազատությունը սահմանափակելու: Պարոն վան դեր Լինդենը կարեւորեց նաեւ դատական համակարագի բարեփոխումները եւ խորհրդարանի դերը այդ գործընթացում: Աժ նախագահ Տիգրան Թորոսյանը հիշեցրեց, որ դեռ նախորդ գումարման Ազգային ժողովը ընդունեց նոր եւ ծավալուն Դատական օրենսգիրք, որը սկիզբ դրեց անկախ դատական համակարգի կայացմանը Հայաստանում եւ այժմ քայլեր են արվում Դատական նոր օրենսգրքի ներդրման ուղղությամբ` Ազգային ժողովը պատրաստ է արագ արձագանքել ցանկացած խնդրի, որ կարող է այդ ընթացքում առաջանալ: Անդրադառնալով առաջիկա նախագահական ընտրությունները եւս ժողովրդավարական չափանիշներով անցկացնելու կարեւորությանը` պարոն վան դեր Լինդենը նշեց Ընտրական օրենսգքրի բարեփոխման խնդիրը: Աժ նախագահ Տիգրան Թորոսյանը, որ մի քանի օր առաջ է ստացել Վենետիկի հանձնաժողովի եզրակացությունը Ընտրական օրենսգրքի վերաբերյալ, նշեց, որ այն արդեն ուսումնասիրվում է եւ փոփոխությունների անհրաժեշտության դեպքում ամռանը առաջարկություններ կնախապատրաստվեն` աշնանային նստաշրջանում հարկ եղած փոփոխությունները քննարկելու եւ ընդունելու համար: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |