Հայաստանը համարձակ առաջարկություններ է ակնկալում Ադրբեջանից ղարաբաղյան հարցի վերաբերյալ 5 սեպտեմբերի 2007 - 15:31 AMT PanARMENIAN.Net - Սեպտեմբերի 4-ին Բրյուսելում կայացավ Հայաստանի արտգործնախարար Վարդան Օսկանյանի հանդիպումը ԵԱՀԿ-ի Մինսկի խմբի ռուսաստանցի եւ ֆրանսիացի համանախագահների հետ: Դրա առաջին եւ թերեւս միակ արդյունքը միջնորդների` մի քանի օրից մեկնարկող հերթական տարածաշրջանային այցն է լինելու: «Եկող շաբաթվա սկզբին նրանք կժամանեն տարածաշրջան: Բովանդակային նորություն չունենք: Երեկ համանախագահների` Մամեդյարովի հետ ունեցած հանդիպումից հետո վերանայել ենք իրավիճակը եւ, դժբախտաբար, պետք է ասեմ, որ նոր առաջընթաց չունենք: Կոնկրետ պայմանավորվածություն չկա, այնպես որ հույսը համանախագահների առաջիկա այցն է, որ նրանք ղեկավարության հետ հանդիպումների ընթացքում կկարողանան ինչ-որ պայմանավորվածություններ ձեռք բերել»,-«Ազատություն» ռադիոկայանին տված հարցազրույցում հայտարարել է Հայաստանի արտգործնախարար Վարդան Օսկանյանը: Այն հարցին, թե արդյո՞ք դա չի նշանակում, որ Ադրբեջանը կարծրացնում է իր դիրքորոշումը, Օսկանյանը պատասխանեց. - «Չեմ ուզում առայժմ գնահատական տալ: Համենայնդեպս, նախագահների սանկտպետերբուրգյան հանդիպումից հետո Ադրբեջանը հնարավորություն ունեցել էր իրավիճակը գնահատելու, վերանայելու համար եւ որոշ ժամանակ անց, երբ Ադրբեջանի արտգործնախարարի հետ հանդիպման ժամանակ որեւէ նորություն չկա` դա մեզ համար ինչ-որ չափով ուղենիշ է, թե ինչ ուղով է գնում ղարաբաղյան հակամարտության կարգավոման գործընթացը»: Արտգործնախարարը նաեւ չի բացառում, որ առաջիկա նախընտրական զարգացումները Հայաստանում եւ Արդբեջանում որոշակիորեն կարող են ազդել բանակցային գործընթացի վրա. - «Անկասկած նախագահական ընտրությունների այդ շրջանը իր ազդեցությունը կունենա: Խորհրդարանականի դեպքում փոքր-ինչ այլ էր, մենք չէինք կապում դա բանակցային գործընթացի հետ: Բայց եթե անգամ նախագահականի շրջանում հնարավորություններ բացվեն`պետք է դրանք օգտագործել: Հայկական կողմը պատրաստ է շարունակել գործընթացը, լսել առաջարկություններ եւ ակնկալել Արդբեջանի կողմից համարձակ առաջարկություններ»,-հայտարարել է ՀՀ ԱԳ նախարարը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |