Եվրոպացի դիվանագետները սկսել են զգուշավորություն ցուցաբերել Ղարաբաղ այցելությունների հարցում 8 հոկտեմբերի 2007 - 20:26 AMT PanARMENIAN.Net - Եվրոպացի դիվանագետները սկսել են զգուշավորություն ցուցաբերել Լեռնային Ղարաբաղ այցելությունների հարցում: Այդ մասին Երեւանում կայացած ճեպազրույցի ժամանակ հայտարարել է ԵԽԽՎ-ում հայկական պատվիրակության ղեկավար Դավիթ Հարությունյանը ԵԽ Խորհրդարանական վեհաժողովի աշնանային նստաշրջանի ավարտին: Նրա խոսքերով, վերջին ժամանակներս եվրոպական առաքելությունների այցերից հրաժարվելու հաճախակի դարձած դեպքերը ինչպես եվրոպական կառույցների վրա ադրբեջանական լոբբիի աճող ճնշման, այնպես էլ եվրոպացիների զգուշավորության արդյունքն են: «Սակայն դա չի նշանակում, որ հայկական կողմը ճնշում չի գործադրում: Մենք հայտարարեցինք, որ մեր կարծիքով, այն ճանապարհը, որն առաջարկում է Ադրբեջանը, անվտանգ չէ եւ այդ հարցը պետք է քննարկվի Լեռնային Ղարաբաղի հետ»,-նշել է նա: Հայկական պատվիրակության ղեկավարը նշել է, որ Ստրասբուրգում ԵԽԽՎ-ի Լեռնային Ղարաբաղի գծով ժամանակավոր հանձնաժողովի նախագահ, լորդ Ռասել Ջոնսթոնի եւ ԵԽԽՎ-ում ադրբեջանական պատվիրակության ղեկավար Սամեդ Սեիդովի հետ հանդիպմանը հայկական կողմն առաջարկել է շարունակել այդ հարցի քննարկումը Ստեփանակերտի հետ: Հարությունյանը տեղեկացրել է, որ հայկական կողմը քննարկումներ է նախաձեռնել ԵԽԽՎ-ում Ադրբեջանի կողմից Եվրոպական մշակութային կոնվենցիայի դրույթների խախտման մասին: «Ըստ կոնվենցիայի խոչընդոտներ չպետք է հարուցվեն մշակութապատմական օջախների ազատ այցելության համար: Սակայն միջազգային կազմակերպությունների առաքելությունների այցերը շարունակում են անհիմն մերժումների արժանանալ ադրբեջանական կողմից: Մենք պնդում ենք, որ դա կոնվենցիայի խախտում է: Դիմելով ԵԽ նախարարների կաբինետին, մենք առաջարկեցինք կոնկրետ քայլեր ձեռնարկել, որպեսզի այդ առաքելությունները կյանքի կոչվեն»,-ընդգծել է Հարությունյանը, հաղորդում է «Ռեգնում» գործակալությունը: Հիշեցնենք, որ օգոստոսի վերջում Ադրբեջանի ղեկավարությունը տապալեց իր տարածքում պատմության եւ մշակույթի հուշարձանների պահպան վիճակի հետ կապված հետազոտությունների անցկացումը, չհաստատելով ԵԽԽՎ մշակութային ժառանգության հարցերի ենթակոմիտեի համազեկուցող Էդվարդ Օ'Խարայի այցելության ծրագիրը տարածաշրջան: Օ'Խարայի այցը առաջին անգամը չէ, որ հետաձգվում է: Այն նախանշված էր դեռեւս 2006 թվականի մայիսի վերջին, սակայն ժամկետները տեղափոխվեցին սկզբից 2006 թվականի աշուն, իսկ հետո 2007 թվականի գարուն եւ ամառ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |