Պուտին. Երկկողմ հարաբերությունների ամրապնդումը բխում է ՀՀ և ՌԴ շահերից 3 ապրիլի 2017 - 15:44 AMT PanARMENIAN.Net - Հայաստանի Հանրապետության նախագահ Սերժ Սարգսյանը և Ռուսաստանի Դաշնության նախագահ Վլադիմիր Պուտինը շնորհավորական ուղերձներ են փոխանակել ՀՀ և ՌԴ միջև դիվանագիտական հարաբերությունների հաստատման 25-ամյակի կապակցությամբ: ՌԴ նախագահն իր ուղերձում անդրադարձել է ՌԴ և ՀՀ ժողովրդների վաղեմի բարեկամությանն ու փոխադարձ հարգանքին՝ նշելով, որ հայ-ռուսական հարաբերությունները դաշնակցային բարձր մակարդակի են հասել: «Լավ արդյունք են տալիս մեր երկրների համատեղ մասնակցությունը եվրասիական ինտեգրման գործընթացներին, ջանքերի համակարգումը արդի սպառնալիքներին ու տարածաշրջանային մարտահրավերներին դիմակայելու գործում»,-ասվում է Պուտինի ուղերձում, հայտնում է Կրեմլի կայքէջը: «Վերջերս Մոսկվայում տեղի ունեցած մեր բանակցությունները թույլ են տվել համատեղ աշխատանքի նոր, հեռանկարային ուղիներ նախանշել: Վստահ եմ, որ հայ-ռուսական կապերը, ինչպես երկկողմ, այնպես էլ ԵՏՄ, ՀԱՊԿ, ԱՊՀ և այլ կառույցներում, բխում են մեր ընդհանուր շահերից, նպաստում են խաղաղության ու կայունության ապահովմանն Անդրկովկասում և ընդհանուր առմամբ եվրասիական տարածքում», -ասվում է Պուտինի ուղերձում: Նախագահ Սերժ Սարգսյանը ՌԴ նախագահ Վլադիմիր Պուտինին ուղղված շնորհավորական ուղերձում իր հերթին մասնավորապես ասել է.«Սրտանց շնորհավորում եմ Ձեզ Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 25-ամյակի կապակցությամբ: Այսօր Հայաստանի և Ռուսաստանի միջև հարաբերությունները գտնվում են ամենաբարձր մակարդակի վրա, աչքի են ընկնում ակտիվ քաղաքական երկխոսությամբ, տարածաշրջանային և միջազգային հարթակներում քայլերի արդյունավետ կոորդինացմամբ, հարավկովկասյան տարածաշրջանում խաղաղության և անվտանգության ապահովման համատեղ ջանքերով»: «Մենք կայացրել ենք կարևոր որոշումներ տնտեսության, հումանիտար և այլ ոլորտներում համատեղ նախագծերի առաջմղման ուղղությամբ, թափ են առնում միջխորհրդարանական և միջտարածաշրջանային կապերը: Ռուսաստանը և Հայաստանը ծանրակշիռ ներդրում են ունենում եվրասիական ինտեգրացիոն գործընթացի, ՀԱՊԿ-ի, ԱՊՀ-ի, այլ բազմակողմ կառույցների շրջանակներում համագործակցության ամրապնդման գործում: Այս ամենն աներկբա վստահություն է ներշնչում, որ հսկայական ներուժ ունեցող հայ-ռուսական բազմաբնույթ համագործակցությունը մեր համատեղ ջանքերի շնորհիվ հետագայում ևս կշարունակի խորանալ՝ ներառելով արգասաբեր փոխգործակցության նորանոր բնագավառներ, ինչը, անկասկած, համապատասխանում է Հայաստանի և Ռուսաստանի ժողովուրդների շահերին և իղձերին», -ասվում է ՀՀ նախագահի ուղերձում, հայտնում է նախագահի մամուլի ծառայությունը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |