Բեռլինում ուսուցչուհուն արգելել են խաչ կրել դպրոցում

PanARMENIAN.Net - Բեռլինի պետական դպրոցներից մեկի ուսուցչուհուն արգելել են խաչ կրել պարանոցին: Այդ մասին հայտնել է տեղի քահանան:

Քահանա Քարսթեն Մինքները պատմել է լրագրողներին, որ կինն իր հետ հանդիպմանը ներկայացրել է դպրոցի տնօրենի գրավոր կարգադրությունը: Տեղի ավետարանչական եկեղեցու սինոդը սկսել է հետաքննել միջադեպը, գրում է BBC-ին:

Դպրոցի ղեկավարությունը պահանջել է ուսուցչուհուց հանել խաչը, քանի որ, ըստ օրենքի, արգելվում է պետծառայողներին կրոնական խորհրդանիշներ կրել աշխատավայրում: Վեճերն այն մասին, թե կարելի է արդյոք կրոնական խորհրդանիշներ կրել աշխատանքային ժամերին, ընթանում են Եվրոպայի ամբողջ տարածքում:

2012-ին 4 բրիտանացի, որոնք պնդում էին, որ կորցրել են աշխատանքը կրոնական հատկանիշով հետապնդման արդյունքում, դիմել էին ՄԻԵԴ: British Airways-ի աշխատակից Նադիա Էուեյդին պետը տուն էր ուղարկել, երն նա հրաժարվել էր հանել շղթայով խաչը: Բուժքույր Ծիրլի Չապլինին խաչի պատճառով տեղափոխել էին հիվանդների սպասարկման հետ կապ չունեցող աշխատանքի: ՄԻԵԴ-ը որոշեց, որ Էույեդի իրավունքները խախտվել են, և փոխհատուցում նշանակեց: Միևնույն ժամանակ, դատարանը իրավունքների խախտում չհյատնաբերեց Չապլինի դեպքում՝ նշելով, որ շղթայով խաչը անվտանգության կանոնների խախտում է և կարող էր վնասել հիվանդների առողջությանը: