Թաներ Աքչամ. Հայոց ցեղասպանության կանխամտածվածությունը շատ հեշտ է ապացուցել12 նոյեմբերի 2007 - 13:39 AMT PanARMENIAN.Net - Թուրքիայի վարչապետի Վաշինգտոնում կայացած մամլո ասուլիսի հաջորդ իսկ օրը փորձագետները մեկնաբանել են Էրդողանի հայտարարությունները Հայոց ցեղասպանության վերաբերյալ: ԱՄՆ դիվանագիտական ծառայության նախկին աշխատակից Էդվարդ Ալեքսանդերի կարծիքով, գոյություն ունեն Հայոց ցեղասպանության հսկայական թվով ապացույցներ եւ բազում հայերի համար որեւէ մեկի, հատկապես թուրքական կառավարության կողմից այդ պատմական փաստի ժխտումը անհեթեթություն է: «Իմ հետազոտությունների աղբյուրներից մեկը գերմանական մամուլն էր: Մեկ այլ աղբյուր էին Հենրի Մորգենթաուի` Առաջին աշխարհամարտի տարիներին Թուրքիայում Ամերիկայի դեսպանի, հեռագրերը: Դրանք փաստաթղթեր են, որ չեն կարող հերքվել: Բացի այդ, ես ուսումնասիրել եմ ականատեսների վկայությունները Մերսբուրգում` Գերմանիայում»,-ընդգծել է Ալեքսանդերը: Իր հերթին թուրք պատմաբան Թաներ Աքչամը, որը Հայոց ցեղասպանության մասին հետազոտությունների հեղինակ է, որոնց պատճառով ստիպված է եղել արտագաղթել Թուրքիայից, նշել է, որ Թուրքիայի վարչապետն իրավացի չէ, քանի որ առանց դժվարության կարելի է ապացուցել Ցեղասպանության կանխամտածվածությունը: «Վավերագրական աղբյուրներից մեկը 1919-1921թթ. Ստամբուլում կայացած դատավարություններն են: Դրանք մեղադրական ակտեր են, դատավճիռներ, վկաների ցուցմունքներ, որոնք գրի են առնվել այն ժամանակ: Դրանցում բազում ապացույցներ կան, որոնք ապացուցում են հայերի սպանությունները: Այդ փաստաղթերի բնօրինակները չեն գտնվել: Մենք ենթադրում ենք, որ դրանք ոչնչացվել են թուրք ազգայնականների կողմից Ստամբուլի գրավումից հետո: Թուրք պաշտոնյաները վստահում են միայն այն փաստաթղթերին, որոնք կան վարչապետի Ստամբուլի պահոցում: Հիմնվելով վարչապետի արխիվների վրա, ես կարող եմ շատ հեշտ ցույց տալ Օսմանյան Թուրքիայում Հայոց ցեղասպանության կանխամտածվածությունը: 2008 թվականին ես մտադիրր եմ գիրք հրապարակել թուրքերեն լեզվով, որտեղ կներկայացնեմ շուրջ 500 փաստաթղթեր վարչապետի ստամբուլյան արխիվից»,-ասել է Աքչամը, գրում է Medill News Service-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |