 Յանա Եգորյանը՝ աշխարհի ամենագեղեցիկ մարզիկների 20-յակում 18 մայիսի 2017 - 12:03 AMT PanARMENIAN.Net - Օլիմպիական չեմպիոն, ՌԴ-ն ներկայացնող թրասուսերակիր Յանա Եգորյանն ընդգրկվել է աշխարհի ամենագեղեցիկ մարզիկների 20-յակում ռուսական «Սպորտ էքսպրեսի» վարկածով: Եգորյանը պարբերականի կազմած վարկանիշի 16-րդ հորիզոնականում է: Պարբերականը հրապարակել է Եգորյանի լուսանկարը, արված մեքսիկական լողափում: «Օլիմպիադայի կրկնակի չեմպիոն և «Սպորտ էքսպրեսի» վարկածով 2016-ի լավագույն մարզիկ, տպավորիչ աղջիկ բոլոր իմաստներով»,-այսպես է բնութագրում Եգորյանին պարբերականը: 2016-ի դեկտեմբերին Յանա Եգորյանը «տարվա մարզիկ» է ճանաչվել ֆիզիկական կուլտուրայի և սպորտի բնագավառում ազգային մրցանակի «Ռուսաստանի հպարտություն» անվանակարգում: Թրասուսերակիր Յանա Եգորյանը ոսկե մեդալ է նվաճել Ռիո դե Ժանեյրոյի Օլիմպիադայում ինչպես անհատական մրցաշարում, այնպես էլ թիմային մրցումներում՝ դառնալով կրկնակի օլիմպիական չեմպիոն։ Յանա Եգորյանը ծնվել է 1993-ին Երևանում, իսկ 6 տարեկան հասակում տեղափոխվել է Ռուսաստան: 2015-ի աշխարհի չեմպիոն է, Ռուսաստանի կրկնակի չեմպիոն (2012, 2014), Եվրոպայի քառակի չեմպիոն (2013, 2014, 2015, 2016), աշխարհի առաջնության կրկնակի մեդալակիր (2013, 2014):2010-ին Սինգապուրում անցկացված պատանեկան օլիմպիական խաղերում նվաճել է 2 օլիմպիական ոսկի՝ դառնալով նման արդյունքի հասած Ռուսաստանը ներկայացնող միակ սուսերամարտիկը: ՌԴ միջազգային կարգի սպորտի վարպետ (2012): Հղումներ թեմայով.   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում  «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նաՀանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվելՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվիՄիրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |
