Սահակաշվիլիի թիմակից. Պորոշենկոն մտադիր է Վրաստանին հանձնել նախկին նախագահին14 հունիսի 2017 - 13:23 AMT PanARMENIAN.Net - Ուկրաինայի նախագահ Պյոտր Պորոշենկոն վաղուց է ակտիվ բանակցություններ վարում Վրաստանի նախկին վարչապետ, ազդեցիկ գործարար Բիձինա Իվանիշվիլիի հետ Վրաստանի նախկին նախագահ Միխայիլ Սահակաշվիլիին այդ երկրին արտահանձնելու շուրջ: Այդ մասին հեռուստաեթերում հայտարարել է Ուկրաինայի գլխավոր դատախազի տեղակալ, իսկ այժմ Սահակաշվիլիի կուսակից Դավիթ Սակվարելիձեն: «Բոլոր ալիքներով ասում են, որ եթե Սահակաշվիլին իր ընդդիմադիր քաղաքական գործունեությունը չկասեցնի, նրան Վրաստան կարտահանձնեն»,-ասել է նա, հայտնում է Lenta.ru-ն ZIK-ի վրա հղումով: Ըստ նրա, Պորոշենկոն հենց սկզբից այնքան էլ չէր ուզում Սահակաշվիլիի մուտքն արտոնել Ուկրաինայի քաղաքականություն, քանի որ «չէր ցանկանում զայրացնել Պուտինին և զգուշանում էր Սահակաշվիլիի վայելած աջակցությունից»: Սակվարելիձեն նշել է, որ երբ Վրաստանի նախկին նախագահը Ուկրաինա ժամանեց, նա դեմ չէր լինի գլխավորելու երկրի հակակոռուպցիոն բյուրոն: Սակայն դա իրարանցում առաջացրեց քաղաքական վերնախավում և Պորոշենկոն Սահակաշվիլիին Օդեսա ուղարկեց, որտեղ նա շուտով նահանգապետ դարձավ: Հունիսի 2-ին Սահակաշվիլին հայտարարեց, որ իր նպատակն է իշխանափոխությունն Ուկրաինայում և որ իր առճակատումը Պորոշենկոյի հետ վերջինիս համար վատ ավարտ կունենա: Սահակաշվիլին Օդեսայի նահանգապետ է եղել 2015-ի մայիսից 2016-ի նոյեմբերը, երբ հրաժարական ներկայացրեց: 2004-2013թթ. Սահակաշվիլին եղել է Վրաստանի նախագահը, որտեղ այժմ նրա դեմ մի քանի քրեական գործ կա հարուցված: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |