«Գրին քարտի» վերաբերյալ բանավեճերն ԱՄՆ-ում շարունակվում են. Ինչ են ուզում փոխել 8 օգոստոսի 2017 - 12:29 AMT PanARMENIAN.Net - Միացյալ Նահանգներում շարունակում են բանավիճել հանրապետականների՝ միգրացիոն քաղաքականությունը փոխելու ծրագրի շուրջ: ԱՄՆ նախագահ Դոնալդ Թրամփն այն արդեն պատմական է որակել: Սենատորներ Թոմ Քոթոնի ու Դևիդ Պերդյուի նախագիծն առաջարկում է հիմնովին փոխել Նահանգներում մշտական բնակության իրավունք տալու կարգն ու «Գրին քարտի» խաղարկության կամ ընտանիքների վերամիավորման փոխարեն շեշտը դնել ներգաղթյալների հմտությունների, պրոֆեսիոնալ կարողությունների ու փորձառության վրա, փոխանցում է «Ազատություն» ռադիոկայանը: Նախագծով առաջարկվում է Կանադայի ու Ավստրալիայի նման բալային համակարգ սահմանել և մշտական բնակության իրավունք տալ նրանց, ովքեր մի շարք չափանիշների համապատասխանելով՝ ընդհանուր առմամբ 30 միավոր կունենան: Չափորոշիչներից են անգլերենի իմացությունը, բարձրագույն կրթությունը, Նահանգներում բարձր վարձատրվող աշխատանքի հրավերն ու երիտասարդ տարիքը: Բոնուսային համակարգ էլ կա. օրինակ՝ եթե Նոբելյան մրցանակակիր եք՝ արդեն 25 միավոր ունեք, եթե Օլիմպիադայի մեդալակիր՝ 15 միավոր: ԱՄՆ նախագահն օրերս հայտարարել կէր՝ ամերիկյան «Գրին քարտի»՝ ԱՄՆ-ում մշտական բնակության և աշխատանքի իրավունքի խաղարկության համակարգը հնացել է և մոտ ապագայում պետք է վերանա։ Ըստ նրա, ներկայիս համակարգը կփոխարինվի միավորների համակարգով, առաջնահերթությունն էլ կտրվի անգլերեն լեզվին տիրապետող, սեփական ծախսերը հոգալու հնարավորություն ունեցող և մասնագիտական հմտություններ ունեցող մարդկանց: «Մրցակցային այս համակարգով նախապատվությունը կտրվի նրանց, ովքեր կարող են խոսել անգլերեն, ֆինանսապես ապահով են և հմտություններ ունեն, որոնք անհրաժեշտ են ԱՄՆ տնտեսությանը», - հայտարարել էր նախագահ Թրամփը: Ըստ Նահանգների ղեկավարի, արժանի են միգրացիոն այնպիսի համակարգի, որը նախևառաջ հաշվի կառնի իրենց կարիքները և Միացյալ Նահանգների շահերը կդասի ամենից վեր: Ըստ փոփոխության կողմնակիցների, ԱՄՆ այլևս լայնարձակ ու անսահման հնարավորություններով երկիր չէ, այլ զարգացած պետություն է՝ խիտ բնակեցված քաղաքներով ու գործազրկությամբ, ինչն էլ միգրացիոն քաղաքականությունը պետք է հաշվի առնի: Ըստ The Washington Post-ի, նոր համակարգով նախագահ Թրամփի պապն էլ հազիվ թե Նահանգներ գար: Թերթը հիշեցնում է՝ Ֆրիդրիխ Թրամփը 19-րդ դարավերջին Ամերիկա է եկել առանց մասնագիտության ու անգլերենի իմացության: Սենատի ղեկավարությունը դեռ խուսափում է նոր նախագիծը շրջանառության մեջ դնել: Ըստ Սենատի իրավաբանական հանձնաժողովի նախագահ Չաք Գրեսլիի, նախ հրադադար է անհրաժեշտ բոլորին օրինականացնել ցանկացող ձախերի և աջերի միջև, որոնք դեմ են Նահանգներ ներգաղթյալների մուտքին: Եթե կողմերը համաձայնության գան, ըստ փոփոխության հեղինակների, առաջիկա տասը տարում օրինական միգրացիան Նահանգներ կկրճատվի մոտ 50%-ով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |