Զեկույց. Աշխարհում մոտ 40 մլն մարդ ստրկության զոհ է դարձել՝ մոտ 70%-ը կանայք են

19 սեպտեմբերի 2017 - 10:40 AMT

PanARMENIAN.Net - Աշխատանքի միջազգային կազմակերպության (ԱՄԿ) կայքում հրապարակված զեկույցի համաձայն 2016-ին մոտ 40 մլն մարդ աշխարհում ժամանակակից ստրկության զոհ է, ավելի քան 152 մլն երեխա հարկադիր աշխատանքի զոհ է:

Աշխատանքի միջազգային կազմակերպությունը (ԱՄԿ) համատեղ հետազոտություն է անցկացրել Walk Free Foundation-ի և Միգրացիայի միջազգային կազմակերպության հետ համատեղ: Հետազոտության տվյալները ներկայացվել են ՄԱԿ ԳՎ նիստում:

Ըստ հետազոտության, ստրկության մեջ ապրող 40 միլիոնից մոտ 25 մլն ենթարկվում է հարկադիր աշխատանքի, ևս 15 մլն-ին բռնին պարտադրում են ամուսնանալ: Ստրկության մեջ գտնվող մարդկանց մոտ 71 տոկոսը կամ մոտ 29 միլիոնը կանայք ու աղջիկներ են: Կոմերցիոն սեքս-ինդուստրիայի մասով կանայք 99 տոկոսն են կազմում, գրում է ՌԻԱ Նովոստին:

Աշխարհում 5-17 տարեկան մոտ 152 մլն երեխա հարկադիր աշխատանքի է պարտադրված: Հիմնականում երեխաներին օգտագործում են գյուղոլորտում, ավելի քիչ՝ սպասարկման ոլորտում կամ արտադրությունում: Այդպիսի երեխաների առավելագույն քանակ գրանցվել է Աֆրիկայում:

Զեկույցում նշվում է, որ ՄԱԿ հռչակած կայուն զարգացման նպատակները չեն կարող իրականացվել, քանի դեռ մարդիկ ավելի ակտիվ չեն պայքարում ժամանակակից ստրկության և երեխաների աշխատանքի հետ:

Հղումներ թեմայով.

Ria.ru. В мире около 40 миллионов человек стали жертвами рабства, выяснили в МОТ