ՀԱԵ Վրաստանի թեմը սպասում է իր իրավական կարգավիճակի հաստատմանը

PanARMENIAN.Net - «ՀԱԵ Վրաստանի թեմը բազաթիվ անգամներ առաջարկություններ է ներկայացրել խորհրդարան, որը պետք է հաստատի ՀԱԵ-ի իրավական կարգավիճակը, սակայն մինչեւ հիմա պատասխան չի ստացել»,- PanARMENIAN.Net ին տված հարցազրույցում հայտարարել է Հայ Առաքելական Եկեղեցու Վրաստանի թեմի առաջնորդ, եպիսկոպոս Վազգեն Միրզախանյանը: Նրա խոսքերով, ՀԱԵ-ի վրաց թեմը «Երկիր» կազմակերպության հետ համատեղ ՄԱԿ-ի Մարդու իրավունքների հանձնաժողովին ներկայացնելու դիմում է պատրաստել, սակայն դեռեւս պատասխան չկա: «Վրաստանում, իդեպ, ոչ մի կրոնական հաստատություն իրավական հիմքեր չունի: Ամբողջ հարցը Վրաց Ուղղափառ Եկեղեցու դիմակայության մեջ է: Նրան թվում է թե մյուսները իր իշխանությանը կխանգարեն, սակայն դա այդպես չէ: Մենք պարզապես ցանկանում ենք վերադարձնել մեր եկեղեցիներն ու սեփականությունը, ինչպես եւ հույներն ու մահմեդականները: Իդեպ, մենք նորմալ հարաբերություններ ունենք Վրաստանի մահմեդականների հոգեւոր առաջնորդի հետ»,- ասել է եպիսկոպոս Միրզախանյանը:

Հարցազրույցի տեքստն ամբողջությամբ