Երեւանում բանաձեւ է ընդունվել` անհանդուրժողականության եւ այլատյացության անթույլատրելիության մասին25 փետրվարի 2008 - 18:51 AMT PanARMENIAN.Net - Երեւանում կայացած «Հանդուրժողականության եւ այլատյացության խնդիրները Հարավային Կովկասի տարածաշրջանում, խաղաղության եւ վստահության հաստատմանն ուղղված մարտահրավերները» խորագրով միջազգային խորհրդաժողովի ավարտին ընդունվել է բանաձեւ, որտեղ կոչ է արվում թույլ չտալ անհանդուրժողականության դրսեւորումներ հարեւան երկրների եւ ժողովրդների պատմության եւ պատմական ժառանգության հանդեպ, ինչպես նաեւ պատմության վերանայում: «Դրա վառ օրինակ կարող է ծառայել Ադրբեջանի Հանրապետությունում Նախիջեւանի Հին Ջուղայի միջնադարյան հայկական գերեզմանոցի բարբարոսական ոչնչացումը»,-ասվում է բանաձեւում: Խորհրդաժողովի մասնակիցները դիտարկում են միջմշակութային երկխոսությունն եւ մշակույթների փոխազդեցությունը որպես փոխադարձ վստահության մթնոլորտի հաստատման գերակա ուղիներից մեկը, որը նպաստում է պատերազմի եւ ռեվանշիզմի մշակույթի փոխարինմանը խաղաղության մշակույթով: «Մենք կոչ ենք անում հանրությանը, ինչպես նաեւ տարածաշրջանի երկրների կառավարություններին Համակողմանի աջակցություն ցուցաբերել տարածաշրջանում ազգամիջյան խաղաղության եւ միջկրոնական համաձայնության հաստատմանը»,-ասվում է ընդունված փաստաթղթում: Նշենք, որ խորհրդաժողովը նվիրված էր Ադրբեջանական ԽՍՀ Սումգաիթ քաղաքում հայ բնակչության ջարդերի 20-րդ տարեդարձին: 1988 թվականի փետրվարի 27-29-ին Սումգաիթում, որը գտնվում է Բաքվից 40 կմ հեռավորության վրա, սկսվեցին հայկական ջարդերը, որոնց արդյունքում պաշտոնական տվյալներով զոհվեցին 32 հոգի, իսկ շուրջ 20 հազար հայեր ստիպված եղան լքել քաղաքը: Սումգաիթյան իրադարձությունները առաջին էթնիկ ջարդերն էին ԽՍՀՄ տարածքում: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |