ՀՀ Գլխավոր շտաբ. Ղարաբաղում տեղի ունեցած միջադեպի ողջ մեղքն ու պատասխանատվությունը կրում է Ադրբեջանի ղեկավարությունը 6 մարտի 2008 - 14:01 AMT PanARMENIAN.Net - Հայ-ադրբեջանական սահմանում այսօր եւս եղել է փոխհրաձգություն, սակայն իրավիճակը լիովին վերահսկվում է: Այդ մասին Երեւանում տեղի ունեցած մամլո ասուլիսի ժամանակ հայտարարել է ՀՀ ԶՈՒ Գլխավոր շտաբի պետ, գեներալ-գնդապետ Սեյրան Օհանյանը: Նրա խոսքերով, փոխհրաձգություն է եղել նաեւ ԼՂՀ Պաշտպանության բանակի եւ Ադրբեջանի ԶՈՒ շփման գծում: «Մարտի 4-ին Հայաստանը փորձել է կապվել Ադրբեջանի պաշտպանության նախարարության հետ հարձակումը դադարեցնելու համար, սակայն նրանք անուշադրության մատնեցին մեր դիմումը: Հենց այդ պատճառով է, որ ԼՂՀ Պաշտպանության բանակը ստիպված եղավ կրակ բացել եւ ետ շպրտել հակառակորդին: Ադրբեջանի զինված ուժերի ղեկավարությունը պետք է վերջնականապես պարզի իր համար` ԼՂՀ Պաշտպանության բանակը պատրաստ է մինչեւ վերջ պաշտպանել հայրենիքը: Ղարաբաղում տեղի ունեցած միջադեպի ողջ մեղքն ու պատասխանատվությունը կրում է Ադրբեջանի ղեկավարությունը»,-ասել է Օհանյանը: Միեւնույն ժամանակ, Ս.Օհանյանը հիշեցրել է, որ հրադադարի ռեժիմի պահպանման մասին համաձայնագրում ասվում է, որ անթույլատրելի է հրետանու կիրառումը: «Սակայն ադրբեջանցի զինվորականները ականանետներ օգտագործեցին եւ մեզ այլ բան չէր մնում, քան պատասխանել նույն տեսակի կրակով»,-ընդգծել է նա: Նա նաեւ նշել է, որ փոխհրաձգություններ հայ-ադրբեջանական սահմանում միշտ են լինում, սակայն դրանք արագ դադարում են: Ս.Օհանյանը նշել է նաեւ, որ Ադրբեջանի նախագահ Իլհամ Ալիեւի ռազմատենչ հայտարարություններն ուղղված են ինչպես միջազգային հանրությանն, այնպես էլ սեփական ժողովրդին: «Պետք չէ մոռանալ, որ աշնանը Ադրբեջանում տեղի կունենան նախագահական ընտրություններ, եւ Ալիեւն այդպիսով ազդում է ժողովրդի վրա: Սակայն մենք պետք է միշտ հիշենք` Ադրբեջանն իրոք զինվում է եւ պատրաստվում նոր պատերազմի, եւ հայկական բանակը պետք է պատրաստ լինի ցանկացած պահի ետ մղել հակառակորդի հարձակումը»,-ասել է ՀՀ ԶՈՒ ԳՇ պետը` հավելելով, որ այս միջադեպով Բաքուն ցանկանում էր ստուգել ԼՂՀ Պաշտպանության բանակի մարտունակությունը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա Ալմաթիում |