Արման Սահակյանը լքել է ՀՀԿ խմբակցությունը․ Այն կորցրեց 3-րդ պատգամավորին

Արման Սահակյանը լքել է ՀՀԿ խմբակցությունը․ Այն կորցրեց 3-րդ պատգամավորին

PanARMENIAN.Net - Ազգային ժողովի Հանրապետական խմբակցության անդամ Արման Սահակյանը հայտարարել է խմբակցությունից դուրս գալու մասին։

«Դիմումիս համաձայն դուրս եմ գալիս ԱԺ Հանրապետական խմբակցությունից և այսուհետ որպես պատգամավոր կենտրոնանալու եմ գլխավորապես Գյումրու խնդիրների և Հայաստանի տնտեսության զարգացման հարցերի շուրջ: Պատրաստ եմ ակտիվորեն աջակցել թե´ գործող իշխանության, թե´ ընդդիմության իմ ընկերների` զարգացման տանող բոլոր նախաձեռնություններին, պատրաստվում եմ ավելի ակտիվ լինել մեր տնտեսության կայացման ճանապարհին առկա և առաջ եկող մարտահրավերները մատնացույց անելու հարցում», - գրել է նա ֆեյսբուքյան իր էջում։

Ավելի վաղ ՀՀԿ խմբակցությունից հեռացել էին պատգամավորներ Շիրակ Թորոսյանն ու ՀՀ նախկին ոստիկանապետ Վլադիմիր Գասպարյանի փեսա Արթուր Գևորգյանը։ Մինչև «Թավշյա» հեղափոխությունը կուսակցությունը 58 մանդատ ուներ 105-տեղանոց խորհրդարանում, մեծամասնություն պահպանելու համար անհրաժեշտ է ունենալ 53 քվե։ Հանրապետական խմբակցությունում մնում է 55 պատգամավոր, ևս մեկը Ֆելիքս Ցոլակյանը, նախկինում շեղվել էր խմբակցության որոշումից՝ դեմ քվեարկել Նիկոլ Փաշինյանի թեկնածությանը մայիսի 1-ի ընտրություններում։

 Ուշագրավ
Ըստ Մելքումյանի՝ Շուռնուխի ուղղությամբ ադրբեջանցի զինվորականները տեղակայված են տեղի բնակիչների տներից ընդամենը 5 մետր հեռավորությամբ
Մարուքյանի խոսքով՝ վարչապետին առաջարկած այդ կոնտր հուշագրի շուրջ ևս չի եղել համաձայնություն
Վարչապետի խոսքով՝ իր արած հայտարարությունների մասով քրգործեր կան, որոնք կարող են կոնկրետ հարցերի պատասխաններ տալ
Վարչապետն առաջարկել է Առողջապահության նախարարի պաշտոնում նշանակել Անահիտ Ավանեսյանին