Ռոբերտ Ֆիսկի Հայոց ցեղասպանության մասին պատմող «Առաջին Հոլոքոսթ» գիրքը թարգմանվել է հոլանդերեն

PanARMENIAN.Net - «Ապրիլի 24-ի կոմիտեն», որը մաս է կազմում Նիդերլանդների հայկական կազմակերպությունների դաշնությանը (FAON), Ռոբերտ Ֆիսկի Հայոց ցեղասպանության մասին պատմող «Առաջին Հոլոքոսթ» գրքի հոլանդերեն տարբերակը կփոխանցի հոլանդական խորհրդարանի եվրոպական եւ արտաքին գործերի մշտական հանձնաժողովին: Ինչպես PanARMENIAN.Net ին են հաղորդել «Աբովյան» մշակութային կենտրոնում, Ֆիսկի գրքի նմուշը մակագրված է հեղինակի կողմից: «FAON-ի պատվիրակությունը հանդիպել է Ռ.Ֆիսկի հետ 2008թ. ապրիլի 18-ին Ռոտտերդամում»:



Ապրիլի 24-ին FAON-ը խորհրդարանական հանձնաժողովին կներկայացնի Ֆիսկի գիրքը այն խնդրագրի հետ, որտեղ մտահոգություն է հայտնվում Թուրքիայում ազգային փոքրամասնությունների եւ խոսքի ազատության ոլորտներում բարեփոխումների դանդաղ ընթացքի վերաբերյալ: Խոսքը գնում է Թուրքիայի հայազգի եւ այլ քաղաքացիների հետպնդման մասին ըստ Թուրքիայի 301-րդ հադվածի, որը սահմանափակում է խոսքի ազատությունը: FAON-ը կարծում է նաեւ, որ առաջխաղացում չկա Թուրքիայի կողմից անցյալի ընդունման գործում, հատկապես, Հայոց ցեղասպանության հարցում: Դիմումը կհանձնվի ապրիլի 22-ին»,-ասվում է հաղորդագրության մեջ:



Ռոբերտ Ֆիսկը բրիտանական The Independence թերթի մեկնաբանն է: Նա բազմիցս է եղել Թուրքիայում եւ Հայաստանում եւ իր հոդվածներում գրել է Հայոց ցեղասպանությունը ճանաչելու անհրաժեշտության մասին: