 Փաշինյանը պետության անունից ներողություն է խնդրել Մարտի 1-ի համար (վիդեո)  1 մարտի 2019 - 11:26 AMTPanARMENIAN.Net - ՀՀ վարչապետ Նիկոլ Փաշինյանը մարտիմեկյան իրադարձությունների վերաբերյալ ուղերձ է հղել: Նա մասնավորապես ասել է, որ ուղիղ 11 տարի առաջ ՀՀ մայրաքաղաքի կենտրոնում արյուն է հեղվել օրվա իշխանությունների կողմից՝ խաղաղ ցուցարարների նկատամամբ ապօրինի ուժի գործադրման հետևանքով, ինչի արդյունքում 10 հոգի զոհվել է: «Այդ իրադարձություններից 11 տարի անց չափազանց կարևոր է քաղաքական գնահատական տալ: Հարկ եմ համարում արձանագրել, որ 2008 թվականին իշխող վերնախավի գործողություններն ամենևին ուղղված չէին առանձին վերցված ուժի, խմբի, անհատի դեմ: Այդ բռնությունների և ապօրինությունների հիմնական թիրախը ՀՀ քաղաքացին էր, նրա իրավունքը, նրա արժանապատվությունն ու ազատությունը», - ասել է Փաշինյանը: Նա ասել է, որ Մարտի 1-ի 10 զոհերը, միայն սպանվածները չեն, «զոհ է նաև իր իրավունքի համար պայքարած յուրաքանչյուր ՀՀ քաղաքացի»: «Որովհետև մարդասպանը, ասենք օրինակ, Դավիթ Պետրոսյանի (Մարտի 1-ին սպանված ՀՀ քաղաքացի՝ խմբ.) ուղղությամբ կրակելիս չի իմացել, որ նա հատկապես Դավիթ Պոտրոսյանն է, մարդասպանը չի իմացել, որ կրակում է Դավիթ Պետրոսյանի վրա, բայց հաստատ իմացել է, որ կրակում է ՀՀ քաղաքացու վրա, հետևաբար Մարտի 1-ի զոհերից յուրաքանչյուրի վրա արձակված կրակոցը մեզնից յուրքանչյուրի ուղղությամբ արձակված կրակոց էր », -ասել է Փաշինյանը: Մարտի 1-ի դեպքերից 11 տարի է անցել: Այդ օրը Երևանում ՀՀ 10 քաղաքացի է զոհվել, վիրավորվել ավելի քան 200 հոգի: 2008-ի փետրվար ամսվա վերջին, ՀՀ նախագահի փետրվարի 19 ընտրությունների արդյունքներից դժգոհ քաղաքացիները՝ ՀՀ առաջին նախագահ Լևոն Տեր-Պետրոսյանի գլխավորությամբ հանրահավաքներ ու նստացույց էին անցկացնում Ազատության հրապարակում: Մարտի 1-ի վաղ առավոտյան ոստիկանության աշխատակիցները Ազատության հրապարակում զենք, զինամթերք և մոլոտովյան կոկտեյլներ հայտնաբերելու պատրվակով ներխուժեցին հրապարակ, հարձակվեցին ցուցարարների վրա և ուժով ցրեցին նրանց: Ժամեր անց ցուցարարները հավաքվեցին Մյասնիկյանի արձանին հարող հրապարակում՝ Ֆրանսիայի և Ռուսաստանի դեսպանատների առաջ, և սկսվեց ինքնաբուխ հանրահավաք։ Ավելի ուշ հայտարարվեց պարետային ժամ, մայրաքաղաք մտցվեցին բանակային ստորաբաժանումներ: Բախումների արդյունքում զոհվեց տասը մարդ: Մարտի 1-ի իրադարձություններից 10 տարի անց` 2018 թվականին, գործը վերաբացվել է. առաջին անգամ ի հայտ եկան մեղադրյալներ: Նրանց թվում են ՀՀ երկրորդ նախագահ Ռոբերտ Քոչարյանը, ՀՀ պաշտպանության նախկին նախարարներ Միքայել Հարությունյանը և Սեյրան Օհանյանը, ՀԱՊԿ նախկին գլխավոր քարտուղար Յուրի Խաչատուրովը:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըՇոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |
