ԼՀԿ-ն առաջարկում է կառավարության կառուցվածք, որտեղ վարչապետին ենթակա մարմիններ չեն լինի27 մարտի 2019 - 14:47 AMT PanARMENIAN.Net - «Լուսավոր Հայաստան» կուսակցությունն առաջարկում է կառավարության այլընտրանքային տարբերակ, որով առաջարկվում է ունենալ14 նախարարութունև 3 փոխվարչապետ ունեցող համակարգ, որոնցում ներառված կլինեն բոլոր մարմինները: Լրագրողների հետ ճեպազրույցում ԼՀԿ ղեկավար Էդմոն Մարուքյանն ասել է, որ կառուցվածքային փոփոխությունն առաջարկել են ելնելով այն սկզբունքից, որ այդ փոփոխությունները պետք է վերացնեն սուպերվարչապետությունն ու պառլամենտը գործադիրի նկատմամբ ունենա վերահսկողություն, հայտնում է Aysor.am-ը: «Մենք առաջարկում ենք կառավարության այնպիսի կառուցվածք, որտեղ վարչապետին, կառավությանը ենթակա մարմիններ չեն լինում, բոլորը կառավարության հիմնական կառուվածքի մեջ են ներառված: Դրանով լուծվում է խորհրդարանական վերահսկողության ու խորհրդարանական երկիր լինելու խնդիրը», - նշել է Մարուքյանը: ԼՀԿ տարբերակով առաջարկվում է գյուղատնտեսության ու մշակույթի նախարարությունները պահպանել, Սփյուռքի նախարարի հանձնակատարի պարտականությունները վերապահել փոխվարչապետերից մեկին, ինչը թույլ կտա ապահովվել այդ մարմնի նկատմամբ խորհրդարանական վերահսկողությունը, քանի որ փոխվարչապետը հաշվետու է խորհրդարանին: «Մի երկրում որտեղ ՀՆԱ-ի 16 տոկոսը գյուղատնտեսության ոլորտից է, այդ երկրում գյուղատնտեսությամբ զբաղվող, այդ ոլորտը կանոնակարգող, ոլորտում ազատ մրցակցությունը ապահովող նախարարություն փակելը սխալ է: Գուցե շատ զարգացած գյուղատնտեսություն ունեցող երկրներում կարելի էր սա ազատ թողնել, բայց Հայաստանի պարագայում, մեզ համար ընդունելի չէր փաստարկը, թե նախկինում այն վատ է աշխատել, դե պարզ է, բայց հիմա կարելի է պահպանել նախարարությունն ու նորմալ աշխատել», - ասել է Մարուքյանը: Ներկայացրած կառուցվածքով առաջարկվում է ԱԱԾ-ն դարձնել նախարարություն, իսկ ոստիկանությունը ԱԻՆ-ի հետ միավորել մեկ նախարարության մեջ՝ Ներքին գործերի նախարարություն անվան տակ: Առաջարկվում է նաև Արդարադատության նախարարությունը վերանվանել Իրավական հարցերի նախարարություն, իսկ ՊԵԿ-ը ներառել Ֆինանսների նախարարության մեջ: Մարուքյանը նշել է, որ այսօր նախագիծն ուղարկվել է կառավարություն և քիչ ուշ այն ամբողջությամբ հասանելի կլինի էլեկտրոնային տարբերակով: Կառավարության գործունեության և կառուցվածքի մասին օրենքում կատարվող փոփոխություններով՝ նախարարությունների թիվը 17-ից կրճատվել է 12-ի: Խոսվում է մոտ 10,000 մարդ կրճատելու մասին: Մարզպետարաններում նախատեսվում է աշխատակազմերի մինչև 30 %-ը կրճատել: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |