Միրզոյանը պահանջել է ավելի կոռեկտ լինել. Ի՞նչ է նշանակում՝ «դու ո՞վ ես»16 ապրիլի 2019 - 14:01 AMT PanARMENIAN.Net - Աժ նախագահ Արարատ Միրզոյանը, անդրադառնալով Ազգային ժողովի նիստում բավականին լարված մթնոլորտին և ընդդիմության ու իշխանական պատգամավորների միջև լեզվակռվին, պահանջել է ավելի կոռեկտ լինել միմյանց նկատմամբ: Ընդդիմադիր խմբակցությունների ներկայացրած օրենսդրական նախաձեռնությունները մեծամասնության կողմից մերժվել են և չեն մտել լիագումար նիստի օրակարգ։ «Լուսավոր Հայաստանի» և «Բարգավաճ Հայաստանի» օրենսդրական նախաձեռնությունները մի քանիսն էին, վերաբերում էին զինծառայությանը և դրանք հանձնաժողովներում քննարկման ժամանակ բացասական եզրակացություն էին ստացել։ «Ճիշտն ասած, ես չեմ հասկանում էս կռիվն ինչի մասին էր: Բացեք օրենքի նախագծերը, որոնք նախաձեռնել է ընդդիմությունը և որոնք դրական եզրակացություն են ստացել, շուտով քննարկելու ենք: Ի՞նչ պետք է ամեն անգամ շահարկել»,- ասել է Արարատ Միրզոյանը: «Տիկին Զոհրաբյան, առաջարկում եմ այսուհետ այդպիսի բաներ չասել՝ թե Նիկոլ Փաշինյանի, Արարատ Միրզոյանի շնորհիվ եք հայտնվել այստեղ: Այստեղ մարդիկ են նստած, որոնք լուրջ հետագիծ ունեն և պրոֆեսիոնալ, և քաղաքական առումով...Կոռեկտությունը պահել է պետք: Այո, անհեթեթություն չի կարելի ասել խմբակցության նախագծին, բայց նաև չի կարելի անընդհատ շահարկել հակառակ կողմից և վիրավորական արտահայտություններ հնչեցնել: Ի՞նչ է նշանակում՝ դու ո՞վ ես, պարոն Մարուքյան: Խմբակցության ղեկավարը հանձնաժողովի նախագահին ասում է՝ դու ո՞վ ես: Մխիթար Հայրապետյանն ա, հարցեր կա՞ն»,- ասել է Միրզոյանը: Ավելի վաղ ԲՀԿ խմբակցության անդամ Նաիրա Զոհրաբյանն ասել էր. «...Եթե չլիներ Նիկոլ Փաշինյանը, Սասուն Միքայելյանը ու ևս մի երկուսը, որտե՞ղ կլիներ ձեր գերակշիռ մեծամասնությունը։ Հաստատ՝ ոչ այս դահլիճում։ Տարրական հարգանք ունեցեք քաղաքական փորձառություն ունեցող ուժերի հանդեպ»։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա Ալմաթիում |