ՀՖՖ-ն նոր նախագահ կընտրի. 2 թեկնածու է ու լարված մթնոլորտ23 դեկտեմբերի 2019 - 10:43 AMT PanARMENIAN.Net - Դեկտեմբերի 23-ին կկայանա Հայաստանի ֆուտբոլի ֆեդերացիայի նախագահի ընտրությունները:ՀՖՖ արտահերթ ժողովի ընթացքում նախագահի ընտրություններին կմասնակցեն առաջադրված 2 թեկնածու՝ «Լոռի» ակումբի նախագահ Թովմաս Գրիգորյանը և ՀՖՖ գլխավոր քարտուղար Արմեն Մելիքբեկյանը: Դեկտեմբերի 21-ին ՀՖՖ-ն պաշտոնական գրություն էր ստացել «Անի» ֆուտբոլային ակումբից այն մասին, որ ակումբը հանում է Խորեն Հովհաննիսյանի՝ ՀՖՖ նախագահի պաշտոնում նախապես առաջադրված թեկնածությունը։ Հովհաննիսյանը նշել էր, որ ընտրություններում պաշտպանում է Արմեն Մելիքբեկյանի թեկնածությունը: ՀՖՖ նախագահի պաշտոնի համար պայքարն ընթանում է լարված մթնոլորտում. ՀՖՖ նախկին նախագահ Ռուբեն Հայրապետյանը, ով ըստ մամուլի հրապարակումների, պաշտպանում է թեկնածուներից Թովմաս Գրիգորյանին, հարցազրույցներից մեկում Արմեն Մելիքբեկյանին մեղադրել էր գողության մեջ, անվանել «չարիք», ծաղրել մաշված կոշիկ հագնելու համար: Մելիքբեկյանն իր հերթին պատասխանել էր Հայրապետյանի վերջին հայտարարությանը՝ համարելով ՀՖՖ նախկին ղեկավարի հայտարարությունը «քաղքենիության խայտառակ դրսևորում»: «Գողության» թեմային անդրադառնալով՝ նշել էր, որ ինքը փոխհատուցել է ՀՖՖ-ի կորցրած քարտից ծախսված գումարը: Նոյեմբերի 21-ին ՀՖՖ նախկին ղեկավար Արթուր Վանեցյանը ներկայացրեց հրաժարականի դիմում: Վանեցյանի հետ հրաժարական տվեց նաև հիմնականում իշխանական կազմ ունեցող գործկոմը: Նախկին ԱԱԾ ղեկավարը ՀՖՖ նախագահի պաշտոնից հեռացավ լարված մթնոլորտում՝ նշելով, սակայն, որ իր այդ քայլը հայկական ֆուտբոլի առողջացման համար է և ինքն իր վրա է վերցնում Իտալիայի հավաքականից 9-1 հաշվով կրած պարտության պատասխանատվությունը: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |