Ադրբեջանը հարվածային ԱԹՍ է կիրառել Բերդի ուղղությամբ․ Տուժածներ չկան

Ադրբեջանը հարվածային ԱԹՍ է կիրառել Բերդի ուղղությամբ․ Տուժածներ չկան

PanARMENIAN.Net - Հուլիսի 14-ին հակառակորդը հարվածային անօդաչու թռչող սարքով թիրախավորել է Տավուշի Բերդ քաղաքի քաղաքացիական ենթակառուցվածքները։ Տուժածներ չկան, հայտնում է ՊՆ մամուլի խոսնակ Շուշան Ստեփանյանը։

Հուլիսի 13-ին ադրբեջանական բանակը 82 և 120 մմ-անոց ականանետերից համապատասխանաբար 7 ու 3-ական արկ էր արձակել հայկական Չինարիի ուղղությամբ: Տուժածներ չկային, բայց արկերից մեկն ընկել էր տան վրա, երկուսը՝ բակում։

Հուլիսի 12-ի սահմանային սադրանքից հետո մինչ հուլիսի 13-ը Ադրբեջանը պարբերաբար հրետանակոծություն է վերսկսում: Հայկական կողմից զոհեր չկան, հայտարարվել է 2 ոստիկանի ու 3 պայմանագրայինի վիրավորման մասին, նրանց կյանքին վտանգ չի սպառնում: Ադրբեջանը հայտնել է 4 զոհի ու 4 վիրավորի մասին:

 Ուշագրավ
«Սա պետք է լինի մեր բոլորի մոտեցումն այսօ՛ր և մի՛շտ»,- ասվում է գրառման մեջ
Պարզվել է, որ քրեական գործ չի հարուցվել, մեղադրանք առաջադրելու համար էլ ապացույցներ չեն գտել
Պաշտպանը նշել է, որ ադրբեջանական իշխանություններն արհեստական ձգձգում, քաղաքականացնում են գործընթացը
Նա հանցագործության մասին հաղորդում կներկայացնի