  Արթուր Մալոյան. Ես չեմ վախենում այցելել Հայաստան 9 փետրվարի 2009 - 20:30 AMT PanARMENIAN.Net - Այսօր առավոտյան Մոսկվայի «Սպարտակը» մեկնեց Իսպանիա խաղաշրջանին նախորդող երրորդ հավաքին, որը կտեւի մինչեւ փետրվարի 19-ը: «Սպարտակի» եւ Ռուսաստանի երիտասարդական հավաքականի հարձակվող Արթուր Մալոյանը կմիանա իր ակումբին արդեն իսպանական հավաքի ընթացքում: Նշենք, որ Մալոյանը օրերս հրավիրվել է Ռուսաստանի երիտասարդական հավաքական, սակայն մինչ այդ նրան արդեն հրավիրել էին Հայաստանի ազգային հավաքական: Հայաստանի եւ Ռուսաստանի հավաքականների միջեւ Մալոյանն ընտրեց ՌԴ հավաքականը: «Ես վերջնականապես որոշեցի, որ հանդես կգամ Ռուսաստանի հավաքականի օգտին: Ես միշտ ցանկացել եմ խաղալ Ռուսաստանի համար, ուղղակի ինձ հաճախակի չեն կանչել: Այստեղ կասկած չկա: Այլ բան է, որ հայտնի չէ, թե ինձ մշտապես կկանչեն, թե ոչ, նաեւ պետք է ասել, որ ես դեռեւս պաշտոնապես հայտագրված չեմ Ռուսաստանի համար: Այնպես որ պաշտոնական ընտրություն դեռեւս չի արվել: Սակայն իմ ներսում ես արդեն ամեն ինչ որոշել եմ` ի օգուտ Ռուսաստանի»: Ինչ վերաբերում է Հայաստանին, ապա Մալոյանը ոչ մի անգամ չի եղել իր պատմական հայրենիքում: Իսկ ի օգուտ Ռուսաստանի ընտրություն անելուց հետո, պատմական հայրենիք այցելության հարցը բաց է մնում: «Ասեմ, որ դեռեւս ոչ մի անգամ չեմ եղել իմ պատմական հայրենիքում: Սակայն հուսով եմ, որ դեռ կլինեմ: Եվ ոչնչից չեմ վախենում: Գիտակ մարդիկ, ֆուտբոլասերները, ինձ կհասկանան: Անշուշտ, կլինեն նաեւ չհասկացողներ` երկրպագուներ, կողմնակի մարդիկ»,-մեջբերում է Մալոյանին sports.ru-ն:   Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը   |  Բաժիններ թեմայով Վերջին լուրեր Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը  Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնումՓաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանըՈւրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ինՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |
