ԱԳ նախարար․ Դիվանագիտական դաշտում ձախողում չի եղել 26 նոյեմբերի 2020 - 13:49 AMT PanARMENIAN.Net - Արցախյան պատերազմի ընթացքում Հայաստանը դիվանագիտական ճակատում ձախողում չի ունեցել, ձախողում եղել է ռազմադաշտում, քանի որ զինվորներն անհամաչափ ուժի են դիմադրել հայտարարել է արտաքին գործերի նախարար Արա Այվազյանը, փոխանցում է Sputnik Armenia-ն։ «Ռազմադաշտում ունեցել ենք ձախողում և դա պետք է ճիշտ գնահատենք, որովհետև անհամաչափ ուժի դեմ էին մեր զինվորները հերոսաբար դիմադրում: Հիմա ամբողջ մեր խնդիրը կայանում է նրանում, որ կայունանա իրավիճակը և խնդիրը տեղափոխվի դիվանագիտական դաշտ»,- ասել է Այվազյանը: Ըստ նախարարի՝ դիվանագիտական առումով զինվորների առաջ իրենց պարտքն է արժանապատի լուծում գտնելը։ Հարցին, թե արդյոք ստորագրված եռակողմ հայտարարության մեջ հայկական կողմի համար կա մեկ դրական կետ, ԱԳ նախարարը պատասխալ է, որ դրականը պատերազմը դադրեցնելն էր։ Այվազյանն ԱԳ նախարար է նշանակվել պատերազմից հետո, երբ գործող նախարարը հրաժարական էր ներկայացվել։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ առան իրենց զբաղեցրած դիրքերում: Իսկ ՌԴ խաղաղապահները տեղակայվեցին ԼՂ շփման գծի երկայնքում և Հայաստանի հետ կապող միջանցքում: Պատերազմի ընթացքում հայկական կողմը տարածքային կորուստներ ունեցավ որոշ ուղղություններով, այդ թվում կորցրեց Շուշին։ Բացի այդ, ըստ եռակողմ հայտարարության, հայկական կողմը հետ քաշեց զորքերը Աղդամից, նույնը պետք է անի Քարվաճառի պարագայում՝ վերջնաժամկետը նոյեմբերի 25-ն է, իսկ մինչև դեկտեմբերի 1-ը` դուրս գա Լաչինից։   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
