Սյունիքում կովկասյան ընձառյուծ է երևացել

Սյունիքում կովկասյան ընձառյուծ է երևացել

PanARMENIAN.Net - Մշտադիտարկման աշխատանքների արդյունքում ֆոտոբռնիչ սարքերը կրկին կովկասյան ընձառյուծ են արձանագրել Սյունիքի «Արևիք» ազգային պարկում։

Նույն տարածքում կովկասյան ընձառյուծ էր արձանագրվել նաև 2020-ի մայիսի 13-ին, 2019-ի նոյեմբերի 11-ին։

Շրջակա միջավայրի նախարարությունը հրապարակել է ընձառյուծին պատկերող տեսանյութը։

2002 թվականից ՀՀ շրջակա միջավայրի նախարարության հետ համատեղ Բնության համաշխարհային հիմնադրամն իրականացնում է Հայաստանում ընձառյուծի պահպանության ծրագիրը։ Ըստ տվյալների՝ 1970-80-ականներին Հայաստանում ընձառյուծը բավական տարածված է եղել, սակայն հետագայում դրա որսն ընդլայնվել է, իսկ 1987-ից ընձառյուծն ընդգրկվել է ՀԽՍՀ Կարմիր գրքում:

Այժմ կովկասյան ընձառյուծը ներառված է ՀՀ կարմիր գրքում և Բնության պահպանության միջազգային միության (IUCN) Կարմիր ցուցակում «վտանգված» կարգավիճակով: Հայաստում կենդանու թվաքանակը հասնում է մինչև 10 առանձնյակի։

 Ուշագրավ
Վճարը մեկ ժամվա համար 100 դրամ է, մեկ տարվա համար՝ 12,000 դրամ
Նա բուժումը կշարունակի տանը՝ նրան ցուցված է անկողնային ռեժիմ
Վարդևանյանը նշել է, որ քրգործն ինչպես հարուցվել է, այնպես էլ դադարեցվելու է քրհետապնդումը։
Նոր երթուղիները գործարկվել են Գորիս համայնքի ղեկավար Առուշ Առուշանյանի հանձնարականով