Նախագիծ․ Կուսակցություն կարող են ստեղծել նաև 18 տարեկանները, որոշ պահանջներ բարդանում են 5 դեկտեմբերի 2020 - 12:42 AMT PanARMENIAN.Net - Հայաստանում կուսակցություն գրանցելը հեշտացվում է, սակայն գործունեություն ծավալելը բարդանում․ հաշվետվողականության և թափանցիկության պահանջներ են ներկայացվում կուսակցություններին: Ազգային ժողովի առաջիկա քառօրյային կքննարկվի «Իմ քայլը» խմբակցության հեղինակած «Կուսակցությունների մասին» սահմանադրական օրենքում և կից ներկայացված օրենքներում փոփոխություններ կատարելու նախագծերի փաթեթը։ Ըստ նախագծի՝ կուսակցության ստեղծման մասին որոշուն ընդունվում է, եթե դրան կողմ է քվեարկել կուսակցության հիմնադիր համագումարին ներկա հիմնադիրներից առնվազն 100-ը: Կուսակցության հիմնադիրներ կարող են դառնալ նաև 18 տարեկան քաղաքացիները: Եթե գործող օրենքով կուսակցությունը ստեղծման պահին առնվազն 800 անդամ պետք է ունենար, որոնք կներկայացնեին կամ Երևանը, կամ հանրապետության մարզերի առնվազն 1/3-ը, ապա այժմ առաջարկվում է միայն ընդգծել, որ ստեղծման պահին կուսակցությունը պետք է ունենա ոչ պակաս, քան 800 անդամ: Նախագծով առաջարկվում է արգելել պետական ու տեղական ինքնակառավարման մարմինների, պետական և համայնքային կազմակերպությունների և հիմնարկների տեղակայումը կուսակցությանը պատկանող շենքերում և շինություններում: Կուսակցությունն իր գործունեության ֆինանսավորման, այդ թվում՝ նախընտրական քարոզարշավի ֆինանսավորման նպատակով հնարավորություն է ունենում ստանալու վարկեր ՀՀ տարածքում գործող բանկերից, վարկային կազմակերպություններից, ինչպես նաև ներդնել ավանդներ երկրի տարածքում գործող բանկերում: Արգելվելու է կուսակցությանը զբաղվել ձեռնարկատիրական գործունեությամբ, ինչպես նաև լինել առևտրային իրավաբանական անձի հիմնադիր կամ մասնակից: Ըստ նախագծի՝ կուսակցությունը բոլոր դրամական վճարները կատարելու է անկանխիկ եղանակով: Կուսակցությունը պարտավորվում է օրենքով սահմանված կարգով Կոռուպցիայի կանխարգելման հանձնաժողովին տեղեկատվություն տրամադրել կուսակցության մշտապես գործող ղեկավար մարմնի կազմի վերաբերյալ: Կուսակցությանը նվիրատվություններ չեն թույլատրվում ցանկացած տեսակի իրավաբանական անձանցից, այդ թվում` օտարերկյա իրավաբանական անձանցից և միջազգային կազմակերպություններից, պետական և համայնքային բյուջեներից և (կամ) արտաբյուջետային միջոցներից, ՀՀ քաղաքացիություն չունեցող անձանցից, անանուն անձանցից: Անվազն 4 տարին մեկ համագումար հրավիրելու պահանջն առաջարկվում է կրճատել` դարձնելով 2 տարի: 2020-ի սեպտեմբերից «Կուսակցությունների մասին» սահմանադրական օրենքում և կից ներկայացված օրենքներում փոփոխություններ կատարելու նախագծերի փաթեթի վրա համատեղ աշխատում էին խորհրդարանական աշխատանքային խումբը, քաղաքացիական հասարակության ներկայացուցիչները։ Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |