Կովկասի եւ Կենտրոնական Ասիայի երկրներում տնտեսական աճի կտրուկ դանդաղում է ակնկալվում 9 մարտի 2009 - 22:06 AMT PanARMENIAN.Net - ԱՄՀ-ի եւ Ղրղըզստանի Ազգային բանկի (ՂՀԱԲ) հետ համատեղ Բիշքեկում կազմակերպված խորհրդաժողովի ժամանակ Հայաստանի, Ադրբեջանի, Վրաստանի, Ղազախստանի, Ղրղըզստանի եւ Թուրքմենստանի պաշտոնական մարմինների ղեկավարները, միջազգային ֆինանսական կազմակերպությունների ներկայացուցիչները քննարկել են գլոբալ տնտեսական ճգնաժամի ազդեցությունը: Այդ մասին նշվում է ԱՄՀ-ի պաշտոնական կայքում տեղակայված հաղորդագրության մեջ:«Միջազգային ֆինանսական ճգնաժամը եւ համաշխարհային տնտեսությունում աճի տեմպերի դանդաղումը կազդեն Կովկասի եւ Կենտրոնական Ասիայի երկրների տնտեսական հեռանկարների վրա», - ԱՄՀ-ի Մերձավոր Արեւելքի եւ Կենտրոնական Ասիայի երկրների դեպարտամենտի տնօրեն Մասուդ Ահմեդը: Նա նաեւ նշել է, որ «ԱՄՀ-ը սպասում է տարածաշրջանում աճի տեմպերի կտրուկ կրճատում 2008 թվականին 6 տոկոսից մինչեւ 2 տոկոսից պակաս 2009 թվականին»: Խորհրդաժողովի մասնակիցները միաբան էին այն կարծիքում, որ Կովկասի եւ Կենտրոնական Ասիայի երկրները գնալով ավելի ու ավելի են ենթարկվում ընդարձակվող գլոբալ ճգնաժամի ազդեցությանը, ընդ որում, առավել լրջորեն ճգնաժամի ազդեցությունը զգացվում է այն երկրներում, որոնք շատ բանով կախված են Ռուսաստանից կամ արտաքին ֆինանսավորման լուրջ պահանջ ունեն: Լրացուցիչ ճնշում կարող է առաջանալ արտագնա աշխատանքի մեկնածների վերադարձի հետ կապված: Ինչպես նշել է ՂՀԱԲ-ի նախագահ Մարատ Ալապաեւը, տարածաշրջանում ուժեղանում է ֆինանսական հատվածի վրա գործադրվող ճնշումը, հատկապես այն երկրներում, որտեղ բանկերը արտաքին պարտավորությունների ռեֆինանասավորման լուրջ պահանջ ունեն: Ֆինանսատնտեսական պայմանների վատթարացման ֆոնի վրա շատ երկրներում կանգ է առել վարկավորման աճը եւ նկատվում է փոխատվությունների հետ կապված վնասների աճ: Տարածաշրջանի երկրների պաշտոնական մարմինները քայլեր են ձեռնարկում ճգնաժամի հետեւանքների հետ կապված խնդիրների` լիկվիդայնության տրամադրման, կապիտալի ներհոսքի, խնդրահարույց ակտիվների լիկվիդացման եւ դեպոզիտների երաշխավորման խնդիրների լուծման ուղղությամբ: Փոխարժեքի ուղղորդումը նույնպես մի շարք երկրներին օգնում է դիմակայել լայնածավալ արտաքին շոկին եւ թույլ չտալ պահուստային հիմնադրամների կրճատում, ինչպես դա արվեց Հայաստանում: Միեւնույն ժամանակ, տարածաշրջանի երկրները, որոնց տնտեսությունն այնքան էլ մեծ չէ, բավականաչափ պաշարներ չունեն աճը պահպանելու եւ բնակչության աղքատ խավերին աջակցելու համար: Խորհրդաժողովի մասնակիցները համաձայնվել են այն բանի հետ, որ այդ երկրների վրա ճգնաժամի ազդեցության մեղմացումը, այդպիսով, զգալի չափով կախված կլինի դոնորների աջակցության ծավալների մեծացումից: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |